نص رسالة شيرين عبدالوهاب عن زوجها حسام حبيب: أنضف راجل في الدنيا

08:12 م | الاثنين 28 يونيو 2021

تحدثت الفنانة شيرين عبد الوهاب، في أول تعليق لها، عن الأزمة التي أثيرت خلال الساعات القليلة الماضية، بعد انتشار تسريب منسوب إلى حسين حبيب، والد زوجها، يتحدث فيه عن خطة ابنه حسام، للزواج منها لاستغلالها والاستفادة من ثروتها.

وقالت شيرين عبد الوهاب، في الرسالة الصوتية، التي نشرتها على جزأين، عبر موقع التغريدات «تويتر»، قائلة: «عاوزة أطمن كل الناس اللي بتحبني وكل الناس الكويسين، أنا بخير، ومفيش أي نوع من أنوع الخطر على حياتي، بالنسبة للي حصل، محتاج إني أرد عليه، ومينفعش أرد عليه في كلمتين، حسام جوزي اللي أنا معشراه، إنسان من أنضف رجال الدنيا، وإنسان محترم، ومتربي، وبيحبني من أكتر من نفسه».

وتابعت: «حسام مايستاهلش أبدًا كم القسوة منكم أبدًا، بس أنا مدياكم العذر عشان أنتم متعرفوش، بس عاوزة أقول لكم الراجل اللي ربنا حطه في طريقي في الوقت ده، في الوقت كنت فيه متكسرة ومدمرة، هو بنى لي شخصيتي، وخلاني بقيت أعرف أتكلم، رجعلي لنفسي تاني الثقة، حسام ربنا هو اللي بعتهولي، فربنا مش بيعملي حاجة وحشة، حسام بيحبني أكتر من نفسه، أنا وبناتي، بدليل إنه من ساعة ما اتجوزني ما استفدش بأي حاجة ومعملش لنفسه أي حاجة».

وأضافت: «هو عايش بس عشان يخاف عليا وعلى عيالي من كل شيء.. وبالنسبة لحاجات كتير مفروض إن ماردش عليها، بس الست حماتي اللي ربت راجل أخلاقه عاملة كده، لازم تكون ست عظيمة، فحسام إنسان عظيمة وأمه ست عظيمة.. وأتمنى منكم تدعولنا بالذرية الصالحة.. وبقول لكم مفيش أي حاجة من دي خالص.. إنسان نقي ونضيف وربنا بعتهولي».

ردي لجمهوري الحبيب و وسائل الاعلام المحترمة. (الجزء الاول) pic.twitter.com/DcfmFWB7H8
— Sherine Abdel-Wahab (@sherine) June 28, 2021

وقالت شيرين عبد الوهاب، عن حسام حبيب، في الجزء الثاني من رسالتها: «مفيش توكيلات باسمه، والفيزا بتاعتي مش معاه.. وكل الكلام ده مش مظبوط، لأني كلي أنا كده بتاعته، ففيز إيه وتوكيلات إيه.. وكمان أنا جوزي راجل متمصر وابن ناس وابن عيلة محترمة أوي.. ومقبلش كمان إن حد يتكلم عن كده.. ولا هو ولا أمه».

وأوضحت: «حسام مفيش منه خلاص.. الناس اللي زيه مبقوش موجودين.. وخلي الناس تفهم كده بالعقل، إحنا بقالنا كده 4 سنين متجوزين.. لو كان فعلا راجل عاوز يستفيد مني كان عمل غنوة سنجل لنفسه.. بس الناس لازم يكون عندها عقل وتشوف.. الراجل ده صايني وصاين عيالي».

ردي لجمهوري الحبيب و وسائل الاعلام المحترمة. (الجزء الثاني ) pic.twitter.com/DoOOWlCQ0Z
— Sherine Abdel-Wahab (@sherine) June 28, 2021

وأكدت: «كل الناس بتتخانق إيه يعني الناس بتختلف.. لكن هو بيحبني أكتر من نفسه.. وياجماعة أنا حاسة إن ربنا مديني مؤشر وقلب أنا حاسة معاه بالأمان، وحسام مضرنيش.. ده فادني، كفاية إنه طلع من حياتي كل الناس اللي كانت بتستغلني بجد.. كل التعابين والحاجات الفاسدة».