هيثم شاكر: اشتريت نفسي من نصر محروس ودفعت «رقم بـ6 أصفار»
هيثم شاكر: اشتريت نفسي من نصر محروس ودفعت «رقم بـ6 أصفار»
نفى الفنان هيثم شاكر، غيابه عن الساحة الفنية الفترة الماضية، بسبب الكسل، مرجعا السبب إلى تراجع الإنتاج مقارنة بالمدة التي بدأ الغناء فيها منذ 2001، مستشهدا على أحواله بمقولة «يطلع من حفرة يقع في دحديرة»، لافتا إلى أن الظروف السيئة التي مر بها كانت بسبب الملحن نصر محروس.
وأضاف «شاكر»، خلال لقاء ببرنامج «شيخ الحارة والجريئة»، المذاع على شاشة قناة «القاهرة والناس»، وتقدمه المخرجة إيناس الدغيدي، أن نصر محروس، قامة فنية كبيرة للغاية، ومنتج لا يختلف عليه اثنان، واسم وصاحب نجاحات كبيرة للغاية، لكنه أخل بما اتفقا عليه.
وأشار هيثم شاكر، إلى أن نصر محروس اختفى بعد نزول الألبوم بيوم: «الألبوم نزل وبدور عليه مش لاقيه، ظهر بعد 6 شهور، كان عنده ظروف، المفروض لو شخص هيختفي يكون فيه اللي ينوب عنه في الشركة، والألبوم لا اتعمله دعاية ولا اتعلق له بوسترات في الشارع ولا اتصور فيديو كليب، فقولتله يلا نشتغل في الجديد بعد مماطلات فلقيته بيقول مش هقدر أنتج تاني».
ولفت إلى أنه دفع لنصر محروس، أموالا بـ6 أصفار مقابل فسخ العقد بينهما، متابعا: «فسخت العقد معاه واشتريت نفسي، ووصلت معاه في وجهات النظر إننا مش هنعرف نشتغل مع بعض، ووصلت في الآخر إنه ولا عاوز يشتغل ولا يسيبني أمشي بدون مقابل، ومكنش فيه حل إلا الفسخ، والعقد مدته 5 سنين، نزلت ألبوم واحد فيها والأغاني اللي نجحت فيه أنا اخترتها، وده كان الخلاف، بجانب إن مكنش فيه دعاية».
وواصل: «العقبات اللي واجهتها في حياتي كتير، الحمد لله إني عارف أقف على رجلي بعد كل الظروف اللي مريت بيها، وبعدها نزلت ألبوم مع جمال مروان، بردو نفس القصة بسمع وعود واتفاقات فجأة الشركة قفلت وأخد الألبوم وسافر، فيه عكوسات دايما معايا أنا مليش دخل فيها، أنا بجتهد وبحاول أعمل شغل حلو بس الظروف مكنتش مسعداني».
واستكمل: «الحظ له دور كبير، فيه ناس الظروف خدمتها لكن محدش بياخد أكتر من نصيبه، بس أنا مش منافق ولا بجامل».
