محمد سامي: أنا سريع الغضب بشكل مبالغ فيه.. وغادة عبد الرازق ظلمتني
محمد سامي: أنا سريع الغضب بشكل مبالغ فيه.. وغادة عبد الرازق ظلمتني
قال المخرج محمد سامي، إن ضياع حقوقه في الخلافات، بسبب انفعاله، هو أكبر مشكلة تواجهه، «ده كلام المقربين مني، هم دقيقتين في حياتي بيبقوا فاصل في حاجات كتير، وأنا سريع الغضب بشكل مبالغ فيه، بس براجع نفسي دايما بس ببقى متأخر زيادة عن اللزوم».
وأضاف سامي، في حواره مع الإعلامية بسمة وهبة مقدمة برنامج «العرافة»، الذي يعرض عبر شاشة «المحور»، أن أكبر شخص ظلمه هي الفنانة غادة عبد الرازق، «مع الوقت حسيت إن ربنا سبحانه وتعالى كان كويس معايا».
وتابع: «جات لي قدام العربية ووقفت وسلمت عليّ وقالت لي إوعى تكون زعلان مني.. عملت معاها شغل كويس وفي عيش وملح وعملت معايا تصرفات ما بعد المشكلة معاها واتقال كلام كتير عليّ مش حقيقي، وبعدها ربنا جاب لي حقي في حاجات كتير وخلاني أحس بالسعادة».
وأردف: «غادة عبد الرازق مكنتش وحشة طول الوقت، لكن الناتج النهائي إني خرجت بموقف منها، وبعدها ربنا بيكرم حسب اجتهاد كل واحد فينا وأنا ربنا كرمني كتير».
وبرنامج «العرافة» هو امتداد لبرامج بسمة وهبة الرمضانية، التي تعتمد على كشف أدق تفاصيل النجوم وخباياهم وإظهار الوجه الآخر لهم، مما يؤدي لصدمة كبيرة لدى الضيوف والمشاهدين، من خلال المفاجآت التي تكشفها خلال الحوار وعن كيفية معرفتها بأدق تلك التفاصيل في الحياة الخاصة للفنانين.
