أحمد شاكر: نجاح دوري في الاختيار 2 كان ببركة الشهيد محمد مبروك
أحمد شاكر: نجاح دوري في الاختيار 2 كان ببركة الشهيد محمد مبروك
قال الفنان أحمد شاكر، إن بيتر ميمي من جيل الشباب المخرجين الناجحين، بالإضافة لاحترافه في التعامل مع الممثل، وعدم اعتماده على فكرة «الشللية»، موضحا: «دكتور بيتر ميمي لو في ممثل ميعرفهوش بس الدور دوره بيراهن عليه».
ونوه «شاكر» خلال حديثه مع الإعلامية خلود زهران، على شاشة «اكسترا نيوز»، إلى المشهد الذي جمعه بالفنانين كريم عبدالعزيز وأحمد مكي بمسلسل «الاختيار 2»، مؤكدا: «احنا الـثلاثة دارسين إخراج وبننبهر بإخراج الدكتور بيتر ميمي، ودراسة الإخراج بتسهل التواصل مع المخرج وبتقدر تفهم هو عاوز يقول إيه».
وأكد أحمد شاكر أن ردود الأفعال على دوره بمسلسل «الاختيار 2» كانت مذهلة بالنسبة له: «ربنا عوض غيابي سنين طويلة في 10 أيام، وكانت كل الناس بتكتب والصحفيين والنقاد وكل الناس من زملائي هنوني على الدور، وحسيت إنه كان في توفيق كبير من ربنا وأنا أرجعت ده لبركة الشهيد، وللرسالة الرائعة اللي موجودة في العمل».
وتابع «شاكر»: «احنا في مسلسل الاختيار كنا بنوثق تاريخنا، وبننصف الرجال العظماء اللي ضحوا علشان بلدنا تعيش، والبلد دي اتدفع فيها دم غالي جدا من ناس عظيمة وناس صدقت في حبها للوطن ولوعدها لربنا، وقسم ولائها للوطن، وهو مسلسل فيه خير، ولذلك ربنا سبحانه وتعالى خلى الناس تتفاعل معاه والشعب المصري بيحب تاريخه أوي وبيحب يتعلم».
ولفت أحمد شاكر، إلى أن أول يوم تصوير له كان يصور مشهدا قبل مشهده، وكان اغتيال البطل محمد مبروك، وحينما جلس ليشاهد «شوفت إياد نصار بيتضرب بالنار ورشاشات وكريم عبدالعزيز بيتفقد وسرحت مع المشهد شوية وعشت معاه شوية، وافتكرت الشهيد محمد مبروك رحمة الله وقت الأحداث ولما جالنا الخبر، وانفعلت جدا عاطفيا من جوايا، ولقيت نفسي بهرب وركنت بعيد، وقعدت مع نفسي أحاول أتخلص من الشحنة العاطفية إني كنت بشوف المشهد، لأني لو كنت سبت نفسي مكنتش هعرف أعمل دور عويس الخائن».
