حلمي بكر يشكو من الوحدة: «ببقى لوحدي مع الحيطان وخايف أموت ومحدش يحس»
حلمي بكر يشكو من الوحدة: «ببقى لوحدي مع الحيطان وخايف أموت ومحدش يحس»
اشتكى الموسيقار حلمي بكر، من الوحدة، خلال حواره في برنامج «العرافة»، مع الإعلامية بسمة وهبة، الذي يُعرض على شاشة «المحور»، حيث قال إن «الوحدة وحشة، ولما هنزل من هنا هكون لوحدي مع حيطان البيت، وأنا متعودتش على كده، رغم إن في يوم من الأيام شقتي كان اسمها المنور وكان فيها كل فناني مصر».
وأضاف «بكر»، أن آخر من سألوا عليه هم مدحت صالح وصابر الرباعي وعلي الحجار: «الباقيين اللي كانوا بيسألوا عليا رحلوا، وأنا بشوف بنتي وقت ما الظروف تسمح، قاعد لوحدي في الشقة ومحدش بيجي يخدمني، وفي أصدقاء بيدوروا عليّ، وعزة نفسي بتمنعني أطلب المساعدة، لكن الحمد لله إن علاقتي بنفسي سليمة».
وتابع: «اللي بيضايقني إنني ممكن أموت ومحدش يحس بيّ، بنتي بتحبني أوي، بتناديني تقولي يا بكوره، وكل شوية تقولي هتيجي إمتى؟، وبتقولي مش هاكل إلا لما تيجي تاكل معايا، وهي مسمية نفسها لؤلؤة، على اسم مسلسل لؤلؤ».
وأبدى حلمي بكر، رأيه في عدد من الفنانين، فذكر أنه يرى أن المطربة أنغام، أفضل من الفنانة شيرين عبدالوهاب، كما يفضل أصالة على ميادة الحناوي، لأن أصالة إنسانة طيبة، لكن العنف في عقلها غالب عليها: «يا خسارة آمال ماهر، جواها فن هي نفسها متعرفهوش، ربنا مديها إبداع في الأداء متعرفهوش، وفجأة قفلت الدكان وحولته لمشروع تاني».
وأوضح أنه يرى تامر حسني نجم الجيل، وليس الفنان محمد حماقي، مفسرا ذلك بأنه يقدم جديدا في الفن كل يوم.
