رامي صبري: مطرب صف أول طلب من مقدم حفلات ميتعاقدش معايا
رامي صبري: مطرب صف أول طلب من مقدم حفلات ميتعاقدش معايا
قال المطرب رامي صبري، إن الفنان محمد عدوية اصطحبه منذ 20 عاما لأحد الموزعين المشاهير وحينها قال له: «إنت صوتك وحش ومش هتنجح ومش هتعرف تغني، وبعدين سبته ومشيت».
وأضاف «صبري»، خلال استضافته ببرنامج «شيخ الحارة والجريئة» الذي تقدمه المخرجة إيناس الدغيدي، والمذاع على فضائية «القاهرة والناس»، أن أحد المطربين الكبار من الصف الأول طلب من مقدم حفلات عدم التعاقد معه، لافتا إلى أن أغنية «مش عايزه غيرك إنت» التي غنتها الفنانة شيرين قامت بتسجيلها باسم محمد مصطفى ولكنها في الحقيقة أخذتها منه، «دي شيرين وصاحبتي مقدرش أقولها حاجة».
وأوضح أن مسيرته الغنائية لا تتوقف على أي من الملحنين أو المؤلفين، حيث إن أغلب أغانيه كانت من ألحانه وتأليفه، وكذا الشريط الأول له في حياته، «كويس إن أنا مؤدب مع شيخ الحارة، أنا أخلاقي كدة».
وأكد أنه فوجئ بدخول الشاعر أيمن بهجت قمر في مشكلته مع عزيز الشافعي، «هو صاحب عمرو دياب، وأنا وعزيز الشافعي بنتخانق مع بعض، إنت دخلت ليه بتكتب أصلا وأنا عمري ما كلمتك ولا ليا علاقة بيك أصلا، آخري معاه إني أعرف إنه شاعر جامد ومفيش أي حاجة تانية».
وتابع: «حمو بيكا مش بيغني ولكنه بيأدي، والناس بتحبه علشان فيديوهاته، وهو بسيط والناس بتحبه علشان دمه خفيف، ومفيش مقارنه بينه وبين شعبان عبد الرحيم لأنه كان مطرب كبير جدا زمان، وشاكوش بيغني ويستحق تصريح بالغناء ولكن حمو بيكا مش بيغني ومينفعش ياخد تصريح للغناء»
