16 تصريحا لمي حلمي عن طليقها محمد رشاد: «ضربها وضربته وخانها واتطلقوا»

06:25 ص | السبت 17 أبريل 2021

حلت الإعلامية مي حلمي، ضيفة على الإعلامية والمخرجة إيناس الدغيدي مقدمة برنامج «شيخ الحارة»، الذي يعرض عبر شاشة «القاهرة والناس» وتحدثت عن طليقها الفنان محمد رشاد، وعن ارتباطهما وحفل زفافهما الأول وزواجهما وحياتهما وطلاقهما، وأبرز ما ذكرته مي حلمي نرصده لكم كما يلي:

1-أكدت أن القائمة لم تكن سبب عدم إتمام حفل الزفاف: «كنا هنتجوز لأول مرة والفرح باظ، لكن الفرح مباظش عشان القايمة، ساب الفرح لوحده بالليل ومشي، وكان محضر القرار من بالليل، أهله ماكنوش موافقين على الموضوع».

2-اعترفت مي حلمي، بأنها أخطأت عندما قبلت بزواجها منه بعدما غادر حفل الزفاف وتركها: «كانت غلطتي إني رجعت له تاني، تسامح زيادة عن اللزوم، اللي مش بحبه في شخصيتي وفي المجتمع الشرقي، وكل اللي حواليّا كانوا بيقولوا الناس هتقول إيه وهو سايبك في يوم الفرح».

3-الناس تحدثوا إليها بطريقة سيئة في فترة ما قبل الزفاف بسبب الواقعة: «الناس مارحمتنيش لمدة 5 شهور من الواقعة، وكانوا بيقولوا اللي سابك في الفرح ومشيتي، لكن أنا رجعت عشان عشرة 5 سنين وكنت مضغوطة، وكنت بحبه، ولما سابني في الفرح قلعت الفستان وروحت وراه».

4-لم يخبرها بالسبب الذي جعله يتركها في حفل الزفاف ويغادر: «مامته قالت له أنا بدعي طول الليل إن الجوازة ماتمش».

5-كشفت حقيقة ما تردد عن إجهاضها في فترة زواجها من المطرب محمد رشاد: «ماكانش فيه مشاكل، وكنا في أول الجواز، ومحصلش إني أجهضت نفسي، لكني كنت حامل في توأم، وربنا مكتبش إنهم يكونوا موجودين، وحُرمت إني أكون أم بعد كده».

6-«فيه تفاصيل كتير مش هقدر أتكلم فيها لأنها تخص طرف تاني، ماقدرش أقول إني اتضربت فسقطت ومش كل التفاصيل بتتحكي»، ورفضت مي حلمي، الإجابة على سؤال بشأن تعرضها للضرب من محمد رشاد، أثناء فترة زواجهما «هو يرد على السؤال ده، معرفش المشكلات اللي بيننا مين اللي عملها، وأنا مسؤولة قدام الستات كلها ومحاربتش على قضية المرأة لما رجعت تاني، وكان المفروض أقول أنا اتسبت ازاي ارجع والباب اللي اتقفل ميتفتحتش تاني».

7-اعترفت أنها لم تحافظ على كرامتها عندما قبلت الارتباط من محمد رشاد، بعدما غادر حفل الزواج قبل عقد القران، مبررة قرارها بأنه جاء تحت ضغط المجتمع وتعرضها للهجوم الشديد: «محافظتش على كرامتي، وده ظلم من المجتمع نفسه للست، الكلام كان بيضايقني لأني كنت بتشتم وبتظلم، وقالوا مفترية وقوية عشان عاوزة حاجات».

8-قالت مي حلمي، إنها حاولت الانتحار: «كان بيكلمني في التليفون بعد ما عرفت حاجة معينة، ماردتش، طلّع الأمن يرن على الباب فماردتش، كلم أهلي في البيت عشان يفتح الباب، ومجاش بنفسه»،وعن سبب إقدامها على الانتحار،: «ماكنتش عاوزاه يرجع، لكن الخيانة وجعتني، ومكنتش قادرة، وأدام اتوجعت من حد يبقى سهل أوجع نفسي، وندمت إني عملت كده، وده بعد ما وصلت لمرحلة صعبة من الاكتئاب لأن حياتي كلها كانت له، كنت بحاول أنجحه وأنجح معاه، وده عطلني عن حاجات تانية، ودايما كنت كل ما آجي أخد القرار إني أمشي، كانت الأيام والذكريات والسفر اللي بيننا والعِشرة بتشفع له، كنت دايما أقول اللي أعرفه أحسن من اللي معرفهوش».

9-لحظة كشف خيانة طليقها: «موبايله كان مفتوح، والرسالة خطفتني، شفت كلام منه ليها مقالوش ليّا، كان نفسي زي ما بحب أتحب، ليه متقاليش الكلام ده زيها».

10-«ممكن أكون كنت في وهم معاه، أنا مش بعيط على شخص، الذكرى عمرها ما بتتمحي، لكن الحب بيخلص، كنت زعلانة إني إديت حب كتير ومتحبتش، مش عارفة عملت إيه عشان أبقى فضيحة وأهلي سيرتهم تبقى على كل لسان، رغم إني كل مرة بتساب من نفس الشخص، حاولت معاه سنين ومنجحتش».

11-«مش محتاجة قصة حب دلوقتي، متوبتش لكن نجاحي راضيني، ومفيش راجل بيريح، لكن منقدرش نعيش من غيرهم، محتاجين حد يقرفنا في الدنيا، وناوية أتقرف تاني».

12-طليقها الفنان محمد رشاد، كان يعتدي عليها بالضرب، وفي إحدى المرات ذهبت إلى العمل بإصابة في عينها، واضطرت لوضع الكثير من مساحيق التجميل على وجهها، لإخفاء ما تعرضت له من ضرب مبرح، وبعد عودتها من العمل تصالحا في نفس الليلة، وكانت ليلة رأس السنة، لترد عليها مقدمة البرنامج ضاحكة: «لا انتي بتحبي الضرب».

13-طليقها كان يعتدي عليها كثيرا بالضرب، وعندما سألوها في العمل عن سبب إصابتها قالت لهم إنها صُدمت في وجهها في الباب، لافتة إلى أن هذه كانت آخر مرة ضربها فيها، وكانت «بائسة وغلبانة في الحب»، وعندما كانت تتعرض للضرب منه كانت تدافع عن نفسها، وفي إحدى المرات ضربته بـ«طفاية السجاير».

14-«هو لا عدو ولا حبيب، ولا عمره هيبقى أي حاجة من الاتنين، والله يصلح حال الجميع.. ويصلح حالي، وربنا يديله على قد نيته وضميره»، وأوضحت أنها عندما ترغب في الانتقام من شخص ما «أتجاهله تماما، وأرجعه غريب، وزي ما كان»، رافضة أن تنطق اسمه لأنه «مبقاش حبيب بالنسبة لها، ولن تنطق اسمه».

15-نفت أن يكون تورط طليقها الفنان محمد رشاد في إجهاضها: «فضل يضربك لحد ما سقطتي ودمك كان سايح»، لترد: «محصلش، ومش مهم عندك إنك تعرف سقطت إزاي، أنا إجهاضي طبيعي، ومطلبتش من الدكتور إنه يعمل لي إجهاض.. يا شيخ الحارة اتلم بعد إذنك، وبطل تتكلم كتير».