هاني شاكر: «كرسي منصب النقيب خسرني ناس كتير.. منه لله»
هاني شاكر: «كرسي منصب النقيب خسرني ناس كتير.. منه لله»
قال الفنان هاني شاكر، نقيب المهن الموسيقية، إن علاقته بالفنان مصطفى كامل مازالت جيدة وليست متوترة: «توترت شوية بعد الانتخابات، وهو اللي توتر مش أنا، بس لما بنتقابل بنسلم على بعض عادي ونتكلم عادي، وأوقات نتكلم في التليفونات»، متابعًا: «منه لله كرسي النقابة اللي ممكن يزعل ناس من بعضها».
وأضاف «شاكر»، خلال حواره في برنامج «شيخ الحارة والجريئة»، مع المخرجة إيناس الدغيدي، على شاشة «القاهرة والناس»، أنه أثناء تقلده منصب النقيب رأى أشخاص في مواقف كان لا يرغب أن يراهم فيها، كما تعرض لمواقف وانتقادات لم يكن قط يحب أن يتعرض لها.
خسرت ناس كتير علشان خاطر النقابة
وتابع نقيب المهن الموسيقية: «العمل العام بيدي الفرصة لأي حد أنه يتطاول، في ناس كتير خسرتها علشان خاطر النقابة، هو العمل العام كده، كرسي النقابة خسرني ناس كتير».
قدمت استقالتي مرتين
واستطرد: «أنا قررت تبقى دي الفترة الأخيرة ليا، وكل سنة وهما طيبين بقى، كمان أنا استقلت مرتين لكن الجمعية العمومية المحترمة حسستني بالحب والاهتمام وخلتني أتراجع، كرسي النقابة جرأ ناس كتير على هاني شاكر».
