بعد بكائه على الهواء.. رضا إدريس يشارك في مسلسل «الاختيار 2»

10:16 م | الاثنين 05 أبريل 2021

أثار الفنان رضا إدريس ضجة كبيرة على مواقع التواصل الاجتماعي، خلال الأسابيع الماضية، بعد ظهوره في أحد البرامج التلفزيونية، بعد بكائه خلال حديثه، قائلا: إنه سبق وساعد الفنان محمد رمضان في بدايته الفنية، إلا أن رمضان لا يساعده أو يسأل عنه، ولا يمنحه أدوارا في أعماله الدرامية الجديدة.

وذكر «إدريس» حينها في البرنامج: «حد ابن حلال طيب، من أباطرة العصر حاليا، قالي يا عم رضا ده إحنا عايشين على إيفيهاتك، نفسي أشوف سعيد صالح وأسلم عليه، صعب عليا، فخدته من إيده ووديته له، بس دلوقتي عمره ما بيقول فين عم رضا، مش بشوفه صدفة، ومحاولتش أوصله، مش للدرجة دي».

وتابع: «لما القصة دي بتتروي بتصعب عليا نفسي، محمد رمضان طيب وجدع وبيعمل أعمال خير كبيرة ومش بينسى حد، بس معايا ولا الهوا بتاع الأولمبي، الحقوق عند ربنا».

أعمال رضا إدريس في رمضان

وكشف الفنان رضا إدريس في تصريح خاص لـ«الوطن»، عن أعماله في شهر رمضان 2021، حيث إنه يؤدي دور في مسلسل «الاختيار 2»، ومسلسل إذاعي بالبرنامج العام «داخل عائلة مرزوق أفندي» في برنامج «ربات البيوت»، وبرنامج توعوي على قناة الشباب والرياضة.

دور رضا إدريس في مسلسل «الاختيار 2»

ذكر إدريس أنه يشارك في مسلسل «الاختيار 2» بدور بلطجي: «دور صعب شوية، واحد من البلطجية، هو بلطجي كبير دخل وسط جماعة الإخوان الإرهابية، وخلوه أمير وربى دقنه وعاش فيها، واستغلوا بلطجته دي ودمر حاجات كتير وكان له أعمال كتير وكان مدوخهم ومش بيشيل موبيلات وبياخد الاتفاقات بالبؤ، عشان كده ضللهم فترة طويلة وبقى يعمل عملياته زي حريق عين شمس ورابعة ومات في الآخر اتصفى بعد عذاب شوية».

دور رضا إدريس في مسلسل إذاعي

ومن المنتظر أيضا في رمضان أن يقدم رضا إدريس مسلسل إذاعي في البرنامج العام، هو «عائلة مرزوق» يناقش فيها السلوكيات الخاطئة: «الراجل اللي بيطلب فطار كتير وميتاكلش والناس اللي بتعمل فطار كتير ويبات واللي المدفع يضرب ويشرب سجاير».

دور رضا إدريس على قناة الشباب والرياضة

ويقدم الفنان رضا إدريس برنامج تعليمي للشباب: «عشان يحبوا دبلومات الصنايع ومحدش يستعر من ده وله احترام ويشجع الشباب يخدوا دبلومات ويشتغلوا، برنامج توعوي وبيعرض الصناعات الموجودة في مصر، وهو إذاعي برده».