أحمد فهمي: نجم كبير وراء تشويه «رجالة البيت».. و«الملك» أحلى برومو
أحمد فهمي: نجم كبير وراء تشويه «رجالة البيت».. و«الملك» أحلى برومو
تحدث النجم أحمد فهمى، عن مسلسله «رجالة البيت» الذى عرض في رمضان الماضى، خلال لقائه مع برنامج «يوم ليك»، للإعلامية سمر يسرى، على قناة «الحياة»، حيث قال إنه كانت هناك حملات للهجوم على المسلسل من قِبَل فنان كبير وهو صاحب تلك الحملات، لكنه رفض ذكر اسمه.
وأضاف «فهمي»، «أنا بعيش على طبيعتى قبل وبعد دخولى التمثيل، وبحب أكون على طبيعتى دائما، وفيه فنانين بيكونوا مش على طبيعتهم ودول ببعد عنهم، والمرض والفقر كابوس بالنسبة ليا وأكتر حاجتين يكسروا الإنسان».
وتابع «رمضان الماضى حصل مشكلة مع مسلسل رجالة البيت، وأنا ليا حاجات بتنجح وحاجات لا واتعرضت لهجوم كان غريب وبشكل كبير والهجوم كان قبل عرض العمل، وكانت عليا حملات هجوم كبيرة، وكان صاحب حملات الهجوم دي نجم كبير جدا، ومش بينافسنى وقطعت علاقتي بيه وليس محمد رمضان عشان الناس متقولش أني بتكلم عليه، حد بعيد ومش منافس ليا، وممكن يكون عشان كنت برفض اشتغل معاه في عمل».
وعلق «فهمي»، على الجدل المثار حول برومو مسلسل «الملك»، قائلا: «أنا رأيي ووجهه نظري هو أحلى برومو شوفته لحد دلوقتي بالنسبة للدراما، ومليش دعوة بالغلطات التاريخية».
