مي فاروق تفكر في الاعتزال: ياريتني ماغنيت

عبرت الفنانة مي فاروق، عن ندمها لعشقها الغناء ودخولها المجال الفني، مؤكدة أنها أصبحت تشعر بـ«الملل» و«الزهق» من الوسط وأوشكت على كراهية الغناء التي طالما أبدعت فيه وذلك حسب ما كتبته عبر حسابها بموقع التواصل الاجتماعي «فيس بوك».

مي فاروق تشعر بالملل من مجال الغناء

وكتبت مي فاروق، عبر حسابها بـ«فيس بوك» قائلة: أنا بحب الغناء أوي ويمكن كلكم عارفين من امتى بدأت، ولو النهاردة واحد بس عارف مي فاروق، فده بفضل ربنا ووقفة أهلي ورايا.

وتابعت: طول عمري لا لي شلة ولا صاحبة ده ولا بتقرب من ده عشان حاجة، كل محاولاتي كنت فيها أنا، لا فلان سندني ولا علان كان له فضل عليا، بس أحب أقول لكم إني زهقت جدًا.

مي فاروق تشتكي من الوسط الفني القائم على الشِللية

واستطردت «والمجال ده محتاج شِلل وصحوبيات وأنا مش في الحتة دي ومبعرفش أتقرب من حد عشان مصلحة وطول ما أنا كده مش هقدر أوصل للي أنا عايزاه، ساعة الجد أنت اللي بتسعى وكمان بتحبط وأنا مفروض قوية ومش بستسلم ببساطة».

وأضافت، قائلة: «بس أنا قرفت وزهقت وقربت أكره الغناء نفسه اللي ربنا ميزني بيه وبفكر جديًا أبعد عنه تمامًا لأني فعلًا زهقت جدًا، وياريتني ما حبيت الغناء من صغري ولا كان لي فيه أصلًا».

طرحت مي فاروق أغنية جديدة في شهر مارس كسرت حاجز المليون مشاهدة

وفي 11 مارس من الشهر الماضي، طرحت مي فاروق أغنية جديدة تحمل اسم «يا طير» من كلمات الشاعر محم حسن معوض، وألحان سامر أبوطالب، وتوزيع عمر إسماعيل، والفيديو كليب من إخراج بتول عرفة.

وحققت أغنية مي فاروق «يا طير» منذ طرحها مايزيد عن مليون مشاهدة عبر موقع المشاهدات يوتيوب، ومن كلماتها:

آه ياطير يامسافر ومروح

بلغ لحبيبي ياريت يرجع

قوله إن فراقه بعيد يوجع

ما أنا غيره ماليش

آه ياطير يامسافر بأمانة

قول لحبيبي إن أنا قلقانة

وفي بعده بجد أنا تعبانة

• مي فاروق
• أغنية مي فاروق
• حفل مي فاروق
• اعتزال مي فاروق
• مي فاروق
• أغنية مي فاروق
• حفل مي فاروق
• اعتزال مي فاروق