محمد صلاح العزب: تصريح هاني مهنا عن أحمد خالد صالح مخيف جدا
محمد صلاح العزب: تصريح هاني مهنا عن أحمد خالد صالح مخيف جدا
انتقد المؤلف محمد عز العرب، تصريح الموسيقار هاني مهنا، بنزول زوج ابنته أحمد خالد صالح، التصوير رغم إصابته بفيروس كورونا.
وكتب «عز العرب»، عبر حسابه عاة موقع التواصل «فيسبوك»: «تصريح الموسيقار هاني مهنا بإن أحمد خالد صالح كان بينزل التصوير وهو عنده كورونا عشان ميعطلش عرض مسلسلات رمضان اللي هو مشترك فيها.. تصريح مخيف جدا».
وأضاف «إذا صح هذا التصريح فللأسف في كل المهن والمجالات ناس كتير رزقها وشغلها وأكل عيشها واقف على نزولهم اليومي لأنه ببساطة لو قعد في البيت مش بس دخله هيقف.. ده ممكن شغله كله يبوظ لفترات طويلة بسبب الانقطاع المفاجئ ده».
وتابع «فللأسف معظم الناس اللي عندهم أعراض خفيفة أو اللي لسه في البداية بينزلوا وبيمارسوا حياتهم عادي وهم متخفيين ولو حد سأله بيقول دول شوية برد.. أو يقولك أنا تعبت يومين بس بقيت كويس».
وواصل الكاتب «ارتفاع أسعار التحاليل والمسحات خلت عدد قليل جدا اللي بيعملهم.. ويبقى متأكد من الإصابة.. لكن القاعدة العامة.. مادام معملتش تحاليل يبقى أنا كويس.وكل ده هو السبب في الانتشار المريع للفيروس، والناس بطلت تروح مستشفيات.. فبالتالي وزارة الصحة بطلت تعد.. فبالتالي اللي معندوش بقى يحس إن الـ 600 واحد اللي الوزارة بتعلن عنهم دول عدد قليل ولا يدعو لأي قلق فينزل ويتصاب ويقول أنا كويس وينزل تاني ويعدي الناس والدايرة تكبر إلى ما لا نهاية».
واختتم «الموجة الثالثة من الفيروس حقيقة.. ومنتشرة جدا.. فياريت اللي يحس بأقل حاجة يراعي ربنا ويوقف اختلاط يمكن مراعاة ضميره دي تكون هي السبب في إن ربنا يشفيه ويقومه بسرعة. وربنا يستر».
وكان الموسيقار هاني مهنا، قال في عدد من التصريحات الصحفية إن أحمد خالد صالح وابنته هنادي مهنا مصابان بفيروس كورونا ورغم إصابة أحمد صالح إلا أنه واصل تصوير أعماله الرمضانية لأنه لا مجال لتأجيل أو تعطيل تلك الأعمال».
