مارس شهر العروض والتخفيضات.. إقبال كبير وزيادة في المبيعات: كله بيرزق
مارس شهر العروض والتخفيضات.. إقبال كبير وزيادة في المبيعات: كله بيرزق
تخفيضات مارس، تجعل الكثير من المواطنين ينتظرون دائما هذا الشهر من كل عام، لما يحمله لهم من عروض وخصومات على العديد من المنتجات الشتوية؛ لأن معظم المحلات التجارية تسعى إلي بيع أكثر كمية ممكنة من المنتجات الشتوية، بأسعار مخفضة، من أجل استقبال المنتجات الصيفية.
تخفيضات مارس
يقول محمد الحفناوي، من محافظة الجيزة، إنه تعود على شراء الملابس الشتوية في مارس، لما تقدمه المحلات من تخفيضات كبيرة قد تصل في كثير من الأحيان إلي 70% من السعر التي تباع به تلك الملابس في بداية فصل الشتاء: «ده يعتبر أفضل شهر في الشراء، علشان كل المحلات بتصفي، فبتلاقي سعر الجاكيت اللي كان بـ1200، وصل لـ600 ويمكن أقل كمان، وبتعرف تختار براحتك وتنقي، لأن كل البياعين بيبقوا عايزين يخلصوا من البضاعة اللي عندهم، وهما كده كده مش خسرانين، لأنم بيبيعوا أكيد بسعر الجملة، أو أقل شوية، لكن هما كده عوضوا في بداية الشتاء».
وأشار «الحفناوي» إلى أنه لابد من استغلال تلك الفترة في الحصول علي ملابس كثيرة تصلح للأعوام المقبلة: «دلوقتي لو معاك 2000 جنيه تقدر تشتري كذا طقم، في بداية الشتاء مكنتش تعرف تجيب بيهم طقم واحد، فأنا بجيب الهدوم الشتوي كل سنة في نهاية مارس، وأسيبهم للشتا الجاي، بدل ما أشتري بسعر غالي بعد كده»
يمسك بطرف الحديث، محمود عيد، صاحب محل ملابس في منطقة عابدين، ويقول: إن شهر مارس من كل عام يحمل الكثير من المفاجأت للزبائن، وتخفيضات غير مسبوقة، الأمر الذي يجعل من هذا الشهر أكثر الاشهر التي يقبل فيها المواطنين على الشراء: «ببقي عايز أدخل شغل جديد، ولازم أخرج الشغل اللي عندي، علشان كده بعمل عروض جامدة علي الملابس الشتوي، والبناطيل برضه، علشان أدخل بضاعة جديدة، لأني لو سيبت لبس الشتاء عندي للسنة الجاية، يبقي أنا كده هنضرب ومش هشتغل لأن كل موسم بينزل له شغل جديد، وأحسن من الموسم اللي قبل منه، علشان كده لازم أحاول أبيع أكبر كمية عندي، وأكيد مش بخسر لما بعمل خصومات، لأن العملية بتعوض بعضها، ومحدش بيخسر».
وأكد «عيد» أن شهر مارس، يعد أكثر فصول السنة، في حركة البيع والشراء، وكذلك شهر سبتمبر؛ لأن المحلات التجارية تعمل خصومات على منتجات المواسم.
