محمد منير: لما وصلت محطة رمسيس قلت أنا هبقى شيء مهم في البلد

11:36 م | الاثنين 15 مارس 2021

حل الفنان محمد منير، ضيفًا على الفنانة إسعاد يونس في برنامج «صاحبة السعادة»، المذاع عبر فضائية «dmc»، وتحدث منير عن قصة كفاحه في الفن والغناء، متذكرًا لحظة وصوله للقاهرة قائلً:ا «لما وصلت محطة رمسيس قولت أنا هبقي شيء مهم في البلد ومطرب كبير وذو شأن كبير في التمثيل والغناء، وزي ما عاهدت أبويا».

وتحدث منير عن عائلته قائلًا: «أبويا محمد أبازيد جبريل كان من كبار موظفي ديوان محافظة أسوان، وأمي اسمها أمينة محمد حسن، بنت بيك أخد البكوية من الملك فؤاد، ومكانوش يحلموا إني أغني، كانت وصمة على جبين أي حد إن ابنه يبقى مغني»

وأضاف: «أختي الكبيرة ربنا يديها العمر والصحة الحاجة سميحة عندها 84 سنة، وهي البركة بتاعت بيتي، وأختي اللي بعد كده أميرة، اللي هي بكيزة هانم، عضوة في نادي الصيد ومطلعة عينا بالحكاية دي، بس حبيبت قلبي وأقرب اخواتي البنات لقلبي».

وتابع: «خديجة اختي الراعية لمحمد منير، واللي من يوم ما دخلت أعمل عملية من 3 شهور، مفارقتش بيتي، ومالية البيت طهر ومحبة، ووجودهم معايا ليه معنى كبير، إن اتنين من اخواتك البنات موجودين معاك في البيت، بيدي معنى احترام والجو الأسري».