منى عبدالغني ومدين يطرحان أغنية «مصر غالية علينا» لتكريم الشهداء
منى عبدالغني ومدين يطرحان أغنية «مصر غالية علينا» لتكريم الشهداء
قدمت الفنانة والإعلامية منى عبدالغني والملحن مدين أغنية «مصر غالية علينا»، إهداءً لروح شهداء القوات المسلحة والشرطة المدنية الذين استشهدوا في حرب الدولة المصرية على الإرهاب.
ومن كلمات الأغنية:
وحشتني يبني نفسي أشوفك وأحضنك
قلبي يا ربي وجعني هونها علينا
وحشتني يبني
اتطمني ياما الملايكة حوالينا وربنا بيضلل علينا
قولي طمنيهم سيدنا محمد بيطبطب عليهم
قولي للعالم بحاله مصر غالية علينا وعليهم
فاكرة ياما لما كنتي بتوديني مدرستي
مش بنسى ياما دعوتك ساعتها ليّ بسعادتي
ربنا استجاب دعاكِ يا حبيبتي
بجد أنا في أحسن مكان دلوقتي
والله يبني الدموع مش راضية تخلص من عينيّ
والله يبني الدنيا من غيرك بقيت صعبة عليّ
لسه فاكرة أخر مرة ودعتك كنت حاسة مش هشوفك تاني
والله يبني لما بتوحشني بجري أحضن هدومك
بس أعمل ايه يا حبيبي أنا مقدرش ألومك
ده أنا كنت بدعي ربنا يخلي يومي قبل يومك
متزعليش أنا رحت عشان تعيش انتي وتعيش بلدنا
ده أنا روحي تروح عشان خاطر عيون ولادنا
مصر هتقوم بالعمل والعدل ونعيش عمرنا بنرفع رايتنا.
وفي نهاية فيديو الأغنية تم عرض بعض كواليس الأغنية، وقالت الفنانة منى عبدالغني باكية بحرقة: «لو عيطت مش هعرف أغني، أنا ماسكة نفسي بالعافية».
من جانبه قال المستشار سامح عبدالوهاب، عضو مجلس إدارة نادي قضاة السويس، إنه أهدى كلمات هذه الأغنية لأرواح شهداء الوطن، معربا عن شكره وتقديره لكل من ساهم في خروج هذا العمل للنور، وعلى رأسهم الفنانة منى عبدالغني، والمحلن مدين، وأحمد عبدالسلام، موجها شكره إلى محمد حسام مدير العلاقات العامة بالنادي، وشركة ميرج وممثلها تامر بجاتو.
