ناشرة فيديو التحرش بطفلة المعادي: اتعاملت كأم مستحملتش أشوف البنت كده
ناشرة فيديو التحرش بطفلة المعادي: اتعاملت كأم مستحملتش أشوف البنت كده
علقت أوجيني السيدة التي أنقذت طفلة المعادي، وكشفت عن المتحرش الذي استدرجها إلى مدخل أحد العقارات بميدان الحرية، مؤكدة أن أي سيدة مصرية، إن كانت في نفس مكانها كانت ستتعامل بقلب أم: «اللي عليا عملته، وروحت النيابة وشيرت الفيديو، اتعاملت كأم، لأن عندي بنت قدها، وولد أكبر منها حاجة بسيطة، مستحملتش خالص».
وقالت لـ«الوطن»، إن الواقعة حدثت 6 إلا ربع، نشرت الفيديو 6 ونصف في نفس اليوم: «مستوعبتش مكنتش قادرة أفكر، طلعت له على طول، واتخانقت معاه، واتكلمت معاه وشديت معاه».
ونفت ما تردد حول أنها لم تذهب لعملها اليوم، وأن مديرها عنفها، مؤكدة أنه من أشد الداعمين لها الآن: «فيه ناس كتير قالوا اني سبت شغلي والدكتور عنفني، وقالي مكنش لازم تعملي كده، الكلام ده مش مظبوط، أنا خلصت النيابة وجيت على الشيفت بتاعي عادي خالص، مفيش حاجة الدكتور بيدعمني، وقالي روحي وهبعتلك زميلتك نجلاء، وروحنا مع بعض، وامبارح أول ما حصل الموضوع وشيرت، قالي مرتاحة سيبيه ياخد جزائه».
