نجيب ساويرس: حاولت شراء لقاح كورونا لدولة في البحر الكاريبي «معرفتش»
نجيب ساويرس: حاولت شراء لقاح كورونا لدولة في البحر الكاريبي «معرفتش»
قال المهندس نجيب ساويرس، رجل الأعمال، إن الشركات المُصنِّعة للقاحات المضادة لفيروس كورونا المستجد لا تتعامل ولا تبيع للقطاع الخاص بل تبيع فقط لدول؛ وهذا الأمر يتم على مستوى دولي، «اللي سبق كل النبق، يعني اللي لحق التعاقد مع الشركات دي بدري جاله اللقاح الأول وبدأ يطعم مواطنيه».
الشركات المصنعة للقاحات كورونا لا تتعامل مع القطاع الخاص
وأضاف «ساويرس»، خلال مداخلة هاتفية في برنامج «حضرة المواطن»، الذي يُعرض على شاشة «الحدث اليوم»، أن تعاقدات الشركات المصنعة حاليا تُعد تعاقدات دول وليست شركات خاصة أو قطاع خاص، «مفيش بيع للقطاع الخاص، فيه دولة في البحر الكاريبي لا فيها موارد ولا حاجة، حاولت أجيبلهم لقاح معرفتش».
وزيرة الصحة تتعامل مع ملف اللقاح بجدية.. بتعمل اللي في إيدها وأكتر
وأشار رجل الأعمال إلى أن وزارة الصحة والسكان المصرية تتعامل مع أزمة كورونا المستجد وخاصة ملف اللقاح بشكل جيد للغاية، بقوله: «الدكتورة هالة زايد، وزيرة الصحة، بساعدها وبتعاون معاها، وهى بصراحة بتعمل اللي في إيديها وأكتر، دي مسألة مش سهلة، وبعدين الواحد لا عارف يجيب اللقاح الروسي ولا الصيني ولا استرازينكا».
وتابع «ساويرس» قائلا: «ده مش أمر سهل، وإن شاء الله مش هيبقى فيه مشكلة في مصر بخصوص اللقاحات، كلنا لازم نتعاون عشان نساعد في الموضوع ده».
