خالد الصاوي عن الحسد: «لقيت الفانلة بتاعتي فيها خرمين في شهر العسل»
خالد الصاوي عن الحسد: «لقيت الفانلة بتاعتي فيها خرمين في شهر العسل»
سرد الفنان خالد الصاوي وقائع حدثت له في شهر العسل بسبب الحسد، قائلا: «كنا لسه في أول الجواز لقيت في الفانلة مش عينين، لكن لقيت خرمين لوحدهم كده، كانت الفانلة جديد وتحت اللبس، وحصل كده بردو في تي شيرت في نفس التوقيت، كانت حاجة غريبة، ودايما كنت بقول دي أكيد صدف، لكن اللي حصل مش معقول، الحسد مذكور وكل حاجة بس مكنتش بشوفه رؤية العين».
وكشف «الصاوي» خلال لقاء ببرنامج «سهرانين»، المذاع على شاشة قناة «on»، ويقدمه الفنان أمير كرارة، عن علاقته بالمطبخ قائلا: «جبت موسوعة الطبخ في المطبخ، وأمي على التليفون، لغاية ما وصلت لدرجة إني أعزم صحابي، وأقولهم هعملكم صواني أكل، لحد ما وصلت لمرحلة الرز المعمر، فخالد صالح قالي لا يا حبيبي مش معقولة أخبط على باب الشقة أشم ريحة كيكة، فوقفت على كدة».
وعن أول شئ سيفعله بعد انتهاء فيروس كورونا، قال خالد الصاوي: «هقعد افتكر أيام كورونا وأعيط، مش هعمل أي حاجة، أحنا هنخلص على كورونا، أحنا أشرس الكائنات وكلنا كل المخاليق بتاعت ربنا وخلصنا على الغابات وبوظنا الدنيا، وكورونا قرصة ودن وهتعدي».
من جانبها سردت الفنانة بشرى خلال استضافتها مع «الصاوي» ببرنامج «سهرانين» والذي يقدمه أمير كرارة، وقائع حدثت لها بسبب الحسد: «جالي جديري في شهر العسل، وخاتم الخطوبة اتشق من النص، وكان قيم وقديم، وحصل الكلام ده بعد الفيديو المشهور في الجونة اللي اتنشر، وحد قالي إنه شاف حد في الفيديو كان مركز أوي، الله أعلم، وفي الآخر نقول الحمد لله واللي يجي في الريش بقشيش، بس جوزي جابلي خاتم غيره، كتر خيره».
