ملك أحمد زاهر تهنئ شقيقتها: «كنت شايفة بعيني تعبك»
ملك أحمد زاهر تهنئ شقيقتها: «كنت شايفة بعيني تعبك»
- ملك أحمد زاهر
- ليلي أحمد زاهر
- وادي الجن
- ليال
- في بيتنا روبوت
- ملك أحمد زاهر
- ليلي أحمد زاهر
- وادي الجن
- ليال
- في بيتنا روبوت
هنأت الفنانة ملك أحمد زاهر شقيقتها ليلى بعد نجاحها الأخير بمسلسلي «وادي الجن» و«في بيتنا روبوت».
ونشرت «ملك» صورة تجمعها بشقيقتها عبر حسابها الشخصي على موقع تبادل الصور والفيديوهات«انستجرام»، وعلقت قائلة، « كنت معاكي لحظة بلحظة وأنتي بتشتغلي وتتعبي علي نفسك و بتصوري مسلسلين فنفس الوقت والاتنين ميقلوش عن بعد فالتعب والمجهود، كنت شايفة بعيني قد ايه بتتعبي».
ملك أحمد زاهر: «خلتينا نصدق كل تفصيلة ونضحك على كل إفيه»
وتحدثت عن دورها في مسلسل «في بيتنا روبوت»،« مش بتنامي و بتجتهدي وبتعملي كل اللي تقدري عليه عشان تطلعي كل واحد فيهم احسن حاجة فعلا تعبك مرحش عالفاضي يالولو عملتي أحلي مسلسل فالدنيا «في بيتنا روبوت» اللي مكانش في الذ ولا أحلى منه فالدنيا و شفناكي وأنتي «سارة» اللي مشاريعها فاشلة و تافها و ملهاش فحاجة غير السوشيال ميديا تقريبا وخليتينا نصدق كل تفصيلة و نضحك علي كل إفيه و حقيقي كان احلي مسلسل فالدنيا عملتيه و طلع حلو اوي كده عشان كمان معاكي هشام وشوشو وعمرو اللي فضلوا دايما فضهرك».
مسلسل «وادي الجن»ومجهودها خلال أحداث المسلسل
وأما عن دورها في مسلسل «وادي الجن» قالت، «عملتيلنا أكتر مسلسل مشوق فالدنيا «وادي الجن» وشفناكي وانتي «ليال» الذكية الشاطرة اللي قادرة تحل كل المشاكل بذكاء ودايما مركزة، ولا مرة حسيت أن في شبه بين سارة و ليال حقيقي بنتين مختلفين تماما مع أنك كنتي بتصوري الاثنين سوا، ودي شطارتك انتي ومجهودك وتعبك، بجد من كل قلبي فخورة بيكي وبحبك وهفضل دايما اتباهى بيكي وأقول اختي ممثلة شاطرة قوي».
