بريد الوطن.. أم ترتر
بريد الوطن.. أم ترتر
أم ترتر حدوتتها فراخ الجيران
بيعدوا عندها ويهدوا الحيطان
تعاقبهم إزاى بالذبح بالسكين
و لو حد سأل عليهم مفيش
ما هى كلت اللحمة ودفنت الريش
هى الظالمة ولّا قساة القلوب
اللى بيدبحوا كل يوم حبيب
مِن غير سكين مِن غير تأنيب
أشرف مِن الناس دى أُم ترتر
بتكافح هجوم الطير المتجبر
هى بتدبح بط عدى الحيط
وواكل وشبعان وزايط زيط
وهمّا استغلوا حب القلب المثمر
الطارح أعياداً وخوخاً وتفاحاً أحمر
و لا يمل ولا يشكو ولا يستهتر
قساة القلوب معدومو الحنين
جبابرة كفرعون موسى وهارون
عبداللطيف أحمد فؤاد
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي bareed.elwatan@elwatannews.com
