بريد الوطن.. دمعة
بريد الوطن.. دمعة
نزلت دمعة منا
فوق نقش حنة
تحكى ع اللى كان
أيام ما كنا وكنا
وكان اللى ما بينا
وحكاية بكل مكان
قبل ما يفرقونا
وبالجرح يجرحونا
ويسقونا ياما هوان
وإحنا
اللى ياما ادينا
لا بخلنا ولا خلينا
وشاهد علينا الزمان
إننا زى ما كنا
لا خُنا ولا اتغيرنا
وباقيين ع اللى كان
وهما
اللى باعونا
فاكرين هيكسرونا
وبيراهنوا ع النسيان
لا يوم فكروا بينا
ولا بقلوبهم رحمونا
ولا افتكروا اللى كان
ثروت محمود شفيق
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي bareed.elwatan@elwatannews.com
