«كوز العسل الصعيدي» بقى «جرين سويت».. ورواد السوشيال: عوجة لسان

03:40 م | الجمعة 29 يناير 2021

«جلاب العسل» أو «قمع العسل» من الحلويات الصعيدية البسيطة المصنوعة من العسل الأسود، وشكله على هيئة «قمع» ويبيعه الباعة المتجولون، وتصل سعر القطعة الواحدة بجنيه، مغلفة في ورق جرائد، إلا أنه مؤخراً انتشرت له صور على مواقع السوشيال ميديا، وهو مغلف داخل علبة بلاستيكية وله اسم جديد «جرين سويت».

لفتت هذه الصورة انتباه رواد السوشيال ميديا، وقاموا بالسخرية منها باعتبار أن «جلاب العسل» كسر عباءته الصعيدية، وبدلاً من أن يُباع كعادته على عربات الباعة المتجولين أصبح يُباع حالياً داخل أشهر المحلات والموالات التجارية باسمه الأجنبي الجديد «جرين سويت»، وقد علق محمد هاني: «وأنا اللي طول عمري بقول عليه حلاوة زلط ده اتطور على الأخر وكده هيمسخ قوي»، وكتبت فاطمة محمد: «جرين سويت إيه ده جلاب صعيدي هو عشان اتحط جوه علبة بلاستيك بقى جرين سويت ميصحش كده».

وكتب محمد حمدي: «بلاش دلع بقى ده اسمه جلال والخمسة منه بعشرة جنيه وبيتباع في نجع حمادي ومشهور قوي هناك لو حد عايز يقول لي أجيب له»، فيما علقت حبيبة أحمد ساخرة: «هو الجلاب بقى اسمه جرين سويت وبعدين ثانية واحدة ازاي يحطوه في طبق هو القرطاس الورق قصر معاكوا في حاجة والله ضيعتوا هيبته»، وكتبت مريم جابر: «اسمه جلاب والله يا عسل»، بينما قال محمود أحمد: «جلاب والـ 11 منه بعشرة جنيه بلاش عوجة لسان بقى وبتغيروا حقيقة الحاجة ده يعتبر من أعلام اللي الصعيد مشهور به».

يعتبر «جلاب العسل الصعيدي أو كوز العسل» من أشهر الحلويات ذات السعر البسيط يتراوح بين جنيه و2 جنيه وهو من العادات الغذائية المنتشرة في مدن صعيد، وتم تداوله بين باقي المحافظات بنفس الاسم أيضاً.