بمشهد من الباشا تلميذ"مجدي الهواري يتذكر حسن حسني «عمره ما فشل يضحكنا»
مشهد من "الباشا تلميذ"
بصوره من مشهد من فيلم «الباشا تلميذ»، تذكر المخرج مجدي الهواري، الفنان الراجل حسن حسني خلال موقف جمعهما أثناء تصويره الفيلم قائلًا: «من كواليس المشاهد التي لا تنسي من افلامي للعظيم حسن حسني .. وكريزة ضحك أخري لم تتوقف لمدة نصف ساعة بسبب مفاجاة عم حسن علي الهوا وهو بيقول اعقلوا الكلمة، فاجئنا فاضحكنا كلنا فضحك كريم عبد العزيز ومقدرش يوقف ضحك من ساعتها لحد النهارده».
وأضاف مجدي الهواري: "كل مانفتكر انا وهو ورامز جلال يوم تصوير المشهد ده تلقائية عم حسن حسني نضحك والله لحد دلوقتي وبعدين قال " اسال شهاب ولا انت مبتنزلش ،كان عبقري في اضافة الافيه في التصوير بشكل تلقائي دون المساس بالنص او بكلام المشهد وكل ده في الشوت علي الهوا وعفوي» .
وتابع: «اتفرجوا علي الفيلم وشوفوا ضحك كريم عبد العزيز الحقيقي والله مكنش بيمثل . رغم اعادة التصوير للمشهد 26 مرة وفي الاخر اضطرنا ناخد المشهد بضحكه الحقيقي.. لاننا لم نستطيع السيطرة علي الناس ديه لما تتجمع في مشهد ،غير كتير مواقف في الفيلم عايز اكتب عنها سنة كاملة وهبقي احكي كمان علي موقف خالد الصاوي واسرة مع بعضينا في طابا وربنا يستر علي الله هيحصل لاول مرة نشر هذه المواقف وبالذات في مشاهد اللي بتجمع حسن حسني مع كريم عبد العزيز زي مشهد يافاشل يافاشل وحازم ..حازم ،وبسيوني ..بسيوني هو ومحمد لطفي ياه والله ايام كانت جميلة والممتع اكتر كواليس الفيلم».
واختتم «الله يرحمك ياعم حسن يانادر ويرحم عم سعيد طرابيك ومن ساعتها ياسادة بقيت واحدة من العلامات الفيلم ده" اعقلوا الكلمة" الباشا تلميذ سادس افلامي».
يذكر أن فيلم الباشا تلميذ من بطولة كريم عبدالعزيز، غادة عادل، محمد لطفي، رامز جلال، حسن حسني ومها احمد ومن اخراج مجدي الهواري.
وتدور أحداث الفيلم حول جامعه تضم عدد كبير من أبناء الأغنياء ويتم تعاطي المخدرات فيها، ليفكر لواء شرطة والذي جسد شخصيته الفنان حسن حسني بالإستعانة بضابط حديث التخرج ليدخل وسط هؤلاء الطلبه ويختار كريم عبدالعزيز، وتتخلل المغامره عدد من المواقف الكوميديه.