تامر حسين عن عمرو دياب: سوي نفسيا وواثق دائما في نفسه

وصف الشاعر الغنائي تامر حسين، الفنان عمرو دياب بأنه إنسان «سوي نفسيا» وواثق دائمًا في نفسه، وذلك عبر حسابه على موقع التواصل الاجتماعي «فيس بوك»، الأمر الذي جعل بعض المتابعين يربطون بين كلمات الإشادة بالهضبة، والخلافات التي وقعت بين «حسين» والملحن عزيز الشافعي والفنان رامي صبري، بسبب أغنية «شكرًا» التي قام الأخير بتسريبها بصوته رغم تضمينها في الألبوم الجديد لـ عمرو دياب «يا أنا يالاء».

وكتب تامر حسين، عبر «فيس بوك» موجهًا رسالته للفنان عمرو دياب قائلًا: «ليه عمرو دياب في حتة تانية وتالتة عندي على الأقل بأخلاقه قبل فنه وأبسط الأمثلة حفلة إمبارح، الراجل قدمنا وقدم لنا التحية أنا وعزيز الشافعي كعادته وبذوقه المعروف».

عمرو دياب واثق من نفسه ويقدّر من يعمل معه

وتابع: لمّا اشتغلت أغنية اتعلموا، وشافني باك ستيدج «خلف المسرح» نده ليا تاني، وقالهم هو اللي عامل الأغنية دي مش عايز حتى يروح مني كريديت إن الناس تعرف أن الأغنية دي بتاعتي، وإداني المايك لتاني مرة بعد ما غنيت قدام مرايتها، عشان أغني كوبليه يتعلموا ويقلدوا وواقف بيسقف، وكفاية فرحته اللي باينة في عينه بناسه وفريق عمله.

واستطرد: «واللي بيعمله عمرو دياب حقيقي قُليل ونادر جدًا وعايز فنان سوي نفسيًا وواثق من نفسه، يمكن التفاصيل دي تبان بسيطة لكن ليها ألف معنى عند أي صانع لمّا بيحس بمنتهى التقدير، وإنه مهم بالنسبة للمطرب اللي بيشتغل معاه نفسياً وأدبياً ومعنوياً».

علاقتي انقطعت مع رامي صبري بسبب كذبه

وتفاجأ تامر حسين، بقيام بعض المتابعين بربط كلمات الإشادة في حق عمرو دياب بسبب خلافاته مع رامي صبري الأخيرة، الأمر الذي دعاه للرد عليهم بقوله: الناس اللي بتمنشن رامي، أنا والله العظيم ما كاتب بوست عشان حد فيكم يمنشنه.

وتابع: رامي صبري للأمانة كان له مواقف محترمة عشان نقول كلمة حق ولكن علاقتنا الإنسانية والشخصية والفنية كلها توقفت عند الإدعاء والكدبة اللي مارضيش يعتذر عنها في العلن زى ما كدِب في العلن، واحنا قانونيًا ماشيين في طريقنا، فبلاش ياشباب أي بوست حد يدخل رامى في جُملة مفيدة ربنا يوفقه ويكرمه مع ناس تشبه أخلاقه وفنه.

• عمرو دياب
• رامي صبري
• أغنية عمرو دياب
• ألبوم عمرو دياب
• تامر حسين
• أغنية شكرا
• عمرو دياب
• رامي صبري
• أغنية عمرو دياب
• ألبوم عمرو دياب
• تامر حسين
• أغنية شكرا