آمنة نصير عن رانيا يوسف: كلامها تهريج والعيب على اللي بيسمعوها

06:13 م | الجمعة 15 يناير 2021

استنكرت الدكتورة آمنة نصير، أستاذ العقيدة والفلسفة بجامعة الأزهر، تصريحات الفنانة رانيا يوسف الأخيرة، والتي وجهت فيه نصائح للبنات بعدم الزواج قبل سن الثلاثين، وكذلك عدم زواجها تمامًا حتى وإن عاشت قصة حب.

كفاية تهريج

وقالت آمنة نصير في تصريحات خاصة لـ«الوطن»، إن رانيا يوسف «تعيش نجومية فوضوية، وكلامها تهريج والعيب على الشخص الذي يأخذ كلامها بمحمل الجد»، موضحة أنها ليست في موضع المسؤولية بشكل يمنحها بفرصة إعطاء نصائح للغير، أو صاحبة درجة علمية تؤهلها لتقديم نصائح في الزواج، هي ليست أهل للنصح، أنتي مش عالمة، وأقوالها لا يجب أن تؤخذ بعين الاعتبار».

وطالبت آمنة نصير، الفنانة رانيا يوسف، بأن تمتنع عن الحديث في غير تخصصها وأن يقتصر حديثها عن المجال الفني فقط: «خليكي في اللي تفهمي فيه، انتي معندكيش رصيد علمي يخليكي تدي نصائح للغير».

الحب دون زواج

وكانت رانيا يوسف قد حلت ضيفة علي برنامج «ليلة الخميس»، مساء أمس، الذي تقدمه الإعلامية ياسمين عز عبر قناة «mbc مصر» الفضائية قائلة: «مكانتش ناجحة خالص، بس خلينا نتكلم عن مسألة نجاح الجواز، الجواز مش ناجح خالص مبدئيا، وفكرة الجواز مش ناجحة أساسا، إلا لو اتنين حبوا عيوب بعض قبل المميزات، وتخيلوا شكلهم وهما عواجيز، وحبوا إنهم يكبروا مع بعض».

وأضافت رانيا: «اللي بيحصل دلوقتي إن الشباب بيتجوز صغيرين وبعدين الست تحمل وتخلف، والأمور تتغير، أنا أنصح البنات ميتجوزوش قبل سن التلاتين، الواحد بيبقى أنضج وأعقل شوية، وعارف هو عايز إية في الجواز، ويكون عمل مستقبله واسمه وفلوس، والاختيار هيفرق كتير».

وتابعت «رانيا» تصريحاتها المثيرة للجدل: «أنا جربت مرتين بعد التلاتين، والحقيقة مكنتش عايزة اتجوز بس المجتمعات العربية بتجبرك، لكن رانيا يوسف مش هتتجوز تاني، ولو حبيت هكمل قصة حب من غير جواز، لأن الجواز بالنسبة ليا بيت وأسرة وعيال، وأنا عندي أطفال، ولو فيه قصة حب حلوة هتبوظ بالجواز، والضغط اللي بيعمله الجواز بيبوظ الجواز، وبيبقى حب شكله تاني مش الحب الرومانسي، وبيكون حب عقلاني أوي أوي».