محمد فؤاد يطلق «ليه» أولى أغنيات ألبومه الجديد (فيديو)
محمد فؤاد يطلق «ليه» أولى أغنيات ألبومه الجديد (فيديو)
طرح الفنان محمد فؤاد، منذ قليل، أغنيته الجديدة ليه، والتي تعد باكورة أغنياته الجديدة لعام 2021، والتي تعد إحدى أغنيات ألبومه الجديد.
الأغنية من كلمات أسامة محرز، ولحن محمد خلف، وتوزيع أحمد عبدالسلام، وتقول كلماتها:
ليه ؟
يوميها لما جه قالي نبعد قولت أه
و ساعتها ليه ما حاولتش أتفاهم معاه
ما اعرفش إيه اللي ماخلانيش اصبر عليه
فات علي بعاده ايام و تعباني الحياة
زي اللي كان عايش في حلم و منه تاه
مش قد بُعده وافقته ليه و عاندته ليه؟
و إزاي أنا علي طول كدا سيبته..أهو خسرته
بتيجي سيرته أبوس صورته و أبكي عليه
صعبه الحياة
نفسي أروح عنده..أعيش يوم لو هموت بعده
خلاص وقفت حياتي عليه
ياااااااااه
إزاي يا قلبي في ناس بتقدر ع الفراق
مش قادر أصدق إني سايبه بإتفاق
عقلي اللي وقتها ضيعه دلوقت فاق
أه..أنا كل ما يطول البعاد هندم عليه
نفسي أشوفه عشان واحشني هموت عليه
قلبي و عرف غلطه خلاص و بيناديه
و إزاي أنا علي طول كدا سيبته..أهو خسرته
بتيجي سيرته أبوس صورته و أبكي عليه
صعبه الحياة
نفسي أروح عنده..أعيش يوم لو هموت بعده
خلاص وقفت حياتي عليه
وكان محمد فؤاد، قد طرح أغنية بعنوان «في الحفلة»، قبل أيام، عبر قناته الرسمية على موقع الفيديوهات الشهير «يوتيوب»، وقد تعاون خلالها مع الشاعر الدبل زوكش، والملحن علاء فيفتي، والموزع كولبكس بوي.
وتقول الأغنية في مطلعها: «في الحفلة.. والساعة 12 والناس مالية المكان.. واللمة كبيرة جدا واقفين كدا ليه يا جدعان؟! شغل الإذاعة..علّي السماعة.. سيبك م الوقت..أنت ما صدقت..أفرح لك ساعة.. روّق يا برنس..وبلاش ساسبنس.. أدخل في المود.. خليك موجود.. ما تعّلي السنس.. أرقص واتحر».
