ممنوع الاقتراب.. عمود كهرباء «طاير» يثير خوف أهالي أوسيم

يقف أحياناً ثابتاً، وتارة يتأرجح محركاً أسلاك الكهرباء معه، على الأرض، لا شيء يحافظ على اتزانه، العمود في الهواء، وأسلاك الكهرباء من الاتجاهين تحافظ على اتزانه وتمنعه من السقوط، تمر من أمامه يدب الخوف في قلبك، تحاول الابتعاد عنه، خوفاً من سقوطه في أي لحظة.

عمود كهرباء في شارع النادي بقرية أوسيم محافظة الجيزة، يثير خوف وقلق الأهالي، بعد أن استيقظوا في الصباح، وجدوا العمود قد انخلع عن الأرض، وأصبح طائراً في الهواء، يمسك به سلك كهرباء من الناحية اليمني، وآخر من اليسري، هم فقط من يبقوه واقفاً.

أحمد يونس، ترزي ويقطن بجانب العمود، يقول: «صحينا الصبح لقينا العمود على الحال ده، محدش عارف السبب، ناس بتقول سمعوا صوت عربية خبطته بالليل ومشيت، اللي ماسك العمود ومخليه واقف أسلاك الكهرباء التانية اللي بتشده، ومربوطة في العمودين التانيين».

اقرأ: أهالي أوسيم يلقون القبض على حرامي «أنابيب».. ربطوه في الأنبوبة 

ممنوع الاقتراب

لا تمر الأهالي كثيراً من أمام العمود، وإن مروا يمرون بخوف، محاولين الابتعاد قدر الإمكان عنه، تجنباً من سقوطه، وأن يودي بحياتهم في لحظة، ينظرون إليه، يتعجبون من وجوده بهذا الشكل، يظل طوال الثواني، ينظر إليه، سيسقط أم لا، لمحاولة الهروب سريعاً عند تحركه: «العمود يعتبر كده واقع، لو شوية ريح أو هوا جامدين هيقع، الفترة اللي فاتت الجو كان ريح شوية مكنش حد بيعدي من جنبه، وكنا مانعين الأطفال يعدوا».

«يونس»: عاوزين حد يصلحه

حاول «يونس» مراراً وتكراراً الحديث عن العمود، مطالباً إصلاحه، ولكن لم يعط أحداً لطلباته بالاً، والبيوت المجاورة للعمود، تعيش يومياً في رعب: «كلمنا الكهرباء عاوزين حد يجي يعمله، بيقولوا حاضر ومحدش بيجي، لو وقع على حد هيموته وهيدمر ناس كتير أوي، لأن العمود لو وقع هياخد السلوك اللي جنبه، والسلوك هتتشد جامد فممكن كمان العمواميد تقع، كلنا خايفين».

• عمود نور
• عمود نور ساقط
• سقوط عمود نور
• عمود كهربا
• أوسيم
• عمود نور
• عمود نور ساقط
• سقوط عمود نور
• عمود كهربا
• أوسيم