وائل الفشني باكيا: «بتحارب من ناس معاها فلوس أكتر مني ومفيش عدل»
وائل الفشني باكيا: «بتحارب من ناس معاها فلوس أكتر مني ومفيش عدل»
بكى المطرب وائل الفشني، على الهواء، خلال حواره مع الإعلامية ريهام سعيد، ببرنامج «صبايا الخير» الذي يعرض عبر شاشة «النهار»، خلال حديثه عن مصدر رزقه، إذ قال إنه يشعر بالرضا، حيث يقيم حفلات لا تدر عليه عائدا ماديًا كبيرًا، لكنه يعتمد على بعض تترات المسلسلات أو أي حفلات أخرى: «الرزق بيجي والحمد لله أنا راضي».
وترد عليه مقدمة البرنامج: «بس لازم يكون في عدل في المسألة، مينفعش يكون ناس بتعمل أغنية على يوتيوب تجيب 500 مليون مشاهدة فياخدوا آلاف الدولارات شهريًا وانت تستنى تتر يجيلك عشان مفيش فلوس».
وقال الفشني باكيًا: «أنا لما فكرت في الموضوع ده صعبت عليّ نفسي جدًا، وبكيت، الحمد لله ده رزق، كنت خايف أخش المجال، مفيش عدل نهائي، الأذواق متغيرتش والناس موجود وبتسمع، لكن هي أرزاق والحمد لله عاوز يبقى في عدل في الوسط».
الفشني: حبايبي كتير في أوروبا وفكرت أسافر
وحول غنائه تتر مسلسل الاختيار، قال الفشني: «ده شرف كبير، وأنا كنت أحب منسي جدًا، وفي حكاية كبيرة بينه وبيني وعلى طول بشوفه في الحلم، بس مش برضى أحب أقول لحد».
وأردف أنه فكر في السفر خارج مصر لكنه أحس أن إرادة الله هي أن يبقى فيها «قلت إن حبايبي في أوروبا كتير وممكن أرجع أشتغل بره».
وواصل: «طول حياتي ضرب ضرب مفيش شتيمة، موت وحادثة ودخلت في الوسط ومش قادر أستحمل، بس ربنا مش بينسى حد ومن جد وجد، وعارف إن ربنا هيعوضني كتير، كنت فاكر إني هوصل وهعمل نوع جديد وكنت عاوز أغني لشغلي وعاوز أعمل حاجة لشغلي، لكن الحروب جامدة جدًا، في ناس واصلة أكتر مني وعندها علاقات وفلوس أكتر مني، هي كده».
