ملابس البالة تغزو شوارع روكسي: فرع «وكالة البلح» في مصر الجديدة

11:49 ص | الخميس 31 ديسمبر 2020

في السنوات الأخيرة، أصبحت وكالة البلح قِبلة المواطنين، هربا من الأسعار الباهظة داخل محلات الملابس المعروفة، وشجع هذا الإقبال المتزايد، التجار على توسعة أنشطتهم في تجارة الملابس، ما دفع بعضهم إلى فتح فرع للوكالة داخل شوارع روكسي بمنطقة مصر الجديدة، لخدمة سكان منطقتي مصر الجديدة ومدينة نصر.

وكالة البلح تتمدد

«مين دلوقتي مش بيشتري من الوكالة، ده اللي معاه واللي مش معاه فلوس بقى يشتري هدومه من الوكالة، نضيفة وبراند شيك، وفي نفس الوقت مش غالية نهائي، وأسعارها على قد الأيد»، يقول حمادة الشوادلى، صاحب أحد المحال، موضحا أنه يعمل فى هذا المجال منذ أكثر من 6 سنوات، وأصبح له كثير من الزبائن، يأتون إليه من أماكن مختلفة، بسبب ثقتهم فى جودة الملابس التى يبيعها.

الوكالة تريند وزبوني عارفني

الثقة والجودة، شعار يرفعه حمادة، في تعاملاته مع زبائنه: «زبونى بقى واثق فيا وعارف أنى مش هجيب له حاجة أى كلام، وعارف أن الحتة اللى بيشتريها مني مش هيلاقيها عند حد تاني، والمهم الزبون بيشترى حاجة ماركة وقيمتها ماتقلش عن محلات بره».

يفترش «حمادة»، أحد الشوارع المتفرعة من شارع بطرس غالي: «كنت الأول في وسط البلد في مكان الوكالة المعروف، وبعد ما الوكالة بقيت تريند والناس بتجري عليها، قررت أجر محل صغير على قدي، عشان زبون مصر الجديدة، وبفرش في الشارع قدام المحل والزباين بيتجي تنقي وتشتري اللي عايزاه».

أسعار تناسب الجميع

بأسعار تبدأ من 30 جنيها حتى 100 جنيه، يبيع التجار الملابس بتكلفة رخيصة تناسب الفئات كافة: «الزبون بتاع مصر الجديدة رايق، فمفيش زحمة خالص عندنا، واللي في الوكالة هو هو اللي بيتباع هنا، بكل الماركات والأشكال»، بحسب أحمد محمود، بائع ملابس للسيدات.

يحرص «محمود» حسب قوله، على تقديم منتج ذى جودة عالية، يتماشى مع الموضة، كما أنه يتجول بمحال الملابس الشهيرة فى بداية المواسم، ليعرف الموضة: «بختار الملابس البالة بنفسى، عشان أطمن أنها تتباع وماعنديش فصال».