شادي خفاجة يطمئن الجمهور على صحة والده: حالته مستقرة واحتمال تدخل جراحي
شادي خفاجة يطمئن الجمهور على صحة والده: حالته مستقرة واحتمال تدخل جراحي
طمأن الفنان شادي خفاجة، متابعيه عبر حسابه الشخصي بموقع التواصل الاجتماعي "فيسبوك"، على صحة والده، وتواجده حاليا في الرعاية المركزة.
وكتب شادي خفاجة: "إخواتي وحبايبي اللي بيسألوني على صحة بابا، الحمد لله هو مازال في العناية المركزة، والأمور ماشية تمام، واحتمال يحتاج لتدخل جراحي، بس إلى الآن هو الحمد لله حالته مستقرة، جزاكم الله كل خير و متحرمش منكم أبدا، ولا من دعواتكم".
واستغاث شادي خفاجة، عبر حسابه الرسمي على موقع التواصل الاجتماعي "فيس بوك"؛ لإنقاذ والده عقب دخوله في غيبوبة وفقدانه الوعي، بسبب ما وصفه بالإهمال الطبي في أحد المستشفيات.
وكتب "خفاجة": "أنا مش عاوز أبويا يموت، أرجوكم ساعدوني، امبارح أبويا بدأ يخرف ويفقد الوعي، وبدأ يدخل في غيبوبة، كلمت الدكتور الجراح بتاعه بقوله أبويا بيموت، رد عليا يقولي أعمله إيه؟!"، متعجبا: "الدكتور الجراح اللي عمل عملية ملوثة بيقول على العيان بتاعه أعمله إيه؟!".
وأضاف الفنان شادي خفاجة: "أنا أبويا بيروح مني بسبب أخطاء الأطباء"، مشيرا إلى أن "أبويا فضل يتابع مع الدكتور الجراح في عيادته وفي المستشفى، وجرح أبويا دون تحسن مع فقدان الشهية وحالة إعياء عامة جسديا، وده بسبب إن الجرح ملوث جدا من العملية، والنتيجة إن الدكتور طلب حجزه ودخوله عمليات مرة تانية في مستشفى مرة تانية، وكلفتنا 10 آلاف جنيه مقابل (يوم واحد فقط) وخرج على البيت، ومن يومها الدكتور بيبعت تمريض يغير على الجرح وبيتابع معاه لكن دون جدوى أو تحسن وده منظر الجرح والحال اللي أبويا وصل ليه"
وتابع الفنان: "أبويا حرفيا بيموت مني، ومش قادر أعمل إيه أنا وإخواتي، احنا من امبارح في المستشفى، لأني مش هقدر أدخل تاني، ويتعمل عليا نصباية زي كل مرة وعدى على دخول أبويا 24 ساعة، ورامين أبويا في غرفة فيها 6 مرضى بدون تكييف أو مروحة، وده خطر جدا على الجرح في الجو ده، ومفيش لا تمريض يركب له محاليل تغذية وريدية، ولا في دكتور يبص، أرجوكم أبويا والله هيروح مني لو مالحقتوش في الـ24 ساعة دول".
