كلب يهزم السرطان بعد 8 جلسات كيماوي: ادعموا "مايلو"
كلب يهزم السرطان بعد 8 جلسات كيماوي: ادعموا "مايلو"
رغم فقدانه لقدمه الأمامية اليسرى، على أثر بترها، بعد إصابته بمرض السرطان، استطاع الكلب "مايلو" وعمره 4 سنوات، المقاومة والانتصار على هذا المرض الخبيث، من خلال تلقي جلسات كيماوي لمدة شهرين، بعدها خضع للعلاج الطبيعي، وتحسن حالته النفسية، وعادت ابتسامته ومَارس عادته باللعب بالكرة، والركض سريعاً.
عملية معقدة ومؤلمة، خضع لها "مايلو"، واضطر حينها إلى بتر قدميه، ثم خضع إلى 8 جلسات علاج طبيعي، بعدها قاوم وصمد حتى شُفي تماماً: "أهم حاجة اكتشاف مرض السرطان بدري عشان نتيجة العلاج تبقى أسرع وأحسن ومضمونة، وفي حالة مايلو كان لسه الورم بيظهر في رجله"، بحسب نورا حلمي، طبيبة بيطرية، وتم اكتشاف مرضه سريعاً بعد ملاحظة أنه يعرج، وبعد إجراء الفحوصات والآشعات الطبية، تم التعرف على حجم الورم بقدمه.
وتضيف "نورا": الحالة النفسية للكلاب ضرورية في التماثل للشفاء سريعا، صاحب الكلب مايلو كان بيهتم بحالته النفسية جداً وبيتابعه طول الوقت وبيخرجه وبيخليه يتمشى، وده مهم جداً عشان الكلب يقدر يقاوم ويخف ويقوم تاني ويمارس حياته".
وفقاً لـ "نورا"، تصل أسعار جلسات العلاج الكيماوي إلى 500 جنيه للجلسة: "قبل ما الكلب بيدخل الجلسة بقعد ألعب معاه الأول ونهزر شوية عشان أخفف عنه وجعه لأن الجلسة بتكون قوية جداً ومرهقة وممكن الكلب يخرج منها تعبان صحياً أو نفسياً لازم نراعي حاجة زي كدة عشان الحيوان يقدر يكمل الجلسات للأخر".
وأكدت "نورا" أنها تتابع الكلب بشكل مستمر للاطمئنان على حالته الصحية: "الكلاب زيها زي البشر بالظبط وممكن السرطان يرتد من تاني عشان كدة مهم للحفاظ على صحته وياكل صحي"، وتؤكد أنه يستطيع المشي والتحرك بسهولة، طالما يملك 3 أرجل آخرى.
