في ذكرى ميلاده.. لماذا بكى فؤاد المهندس بسبب سؤال مفيد فوزي؟
في ذكرى ميلاده.. لماذا بكى فؤاد المهندس بسبب سؤال مفيد فوزي؟
- فؤاد المهندس
- ذكرى ميلاد فؤاد المهندس
- ميلاد فؤاد المهندس
- مفيد فوزي
- فؤاد المهندس
- ذكرى ميلاد فؤاد المهندس
- ميلاد فؤاد المهندس
- مفيد فوزي
يوافق اليوم الأحد 6 سبتمبر، الذكرى الـ96 على ميلاد الفنان الكبير الراحل فؤاد المهندس، والذي يعد واحدًا من أكبر وأهم فناني مصر والوطن العربي.
قدم الفنان فؤاد المهندس ما يقرب من 70 فيلما سنيمائيا، بالإضافة إلى العشرات من الأعمال الدرامية والمسرحيات والمسلسلات الإذاعية، ليظل واحدا من أهم الفنانين في تاريخ مصر.
"الأستاذ" كما يطلق على الفنان الكبير فؤاد المهندس، بكل ما يحمل من قيمة كبيرة وتاريخ فني حافل، انهمرت دموعه خلال إجراءه حوار تليفزيوني نادر مع الإعلامي مفيد فوزي، بسبب سؤال طرحه الأخير.
البداية كانت بسؤال طرحه "فوزي" على "المهندس قائلًا: "بطارياتك الفنية هي الحنان والحياة الشخصية المستقرة الآمنة؟"، ليرد المهندس قائلًا: "مش ضروري، جايز يكون بطارياته دي زوبعة في نفسه تخلق فن، وجايز يكون صخب حياته يخلق عنده فن".
واستطرد: "لكن أنا عندي اللي قولت عليه دة، الحنان والحياة الشخصية المستقرة والحب والدلع، أنا أتدلع أبقى كويس، رفاهية العواطف هي اللي تخليني في أحلى وقتي وأوج قوتي في الفن"، مضيفًا: "أنا بدلع نفسي كل يوم الصبح، لأني مش لاقي حد يدلعني".
حديث المهندس قاطعه مفيده فوزي بسؤاله قائلًا: "أنا مش متخيل إطلاقًا أن فؤاد المهندس، هذه القمة المصرية العربية بيدلع نفسه، يعني فؤاد المهندس مافيش في حياته حد يدلعه ويطلع كل اللي في قلبه من مخزون عظيم".
وتأثر الراحل فؤاد المهندس بشدة بسؤال مفيد فوزي، ليرد متأثرًا: "أنا مالاقيتش حد يدلعني يا أستاذ مفيد، أنا مافيش حد دلعني، مافيش حد استناني على غداء"، قبل أن تنزل دموعه ويبكي، ما استدعى مفيد فوزي للاعتذار.
وواصل المهندس حديثه: "أه بدلع نفسي لأن أنا طبيعتي كدة ومحتاج كدة، كانت أمي وأبويا الله يرحمهم بيدلعوني، لأنهم عارفين فؤاد وعارفين إنه محتاج كدة".
وتابع: "القريبين مني بيحاولوا يدلعوني، لكن مالاقتش حد جوايا وجنبي، شريكة في حياتي".
عندها قاطعه مفيد بسؤاله: "لما زراير قمصانك بتتقطع مين بيخيطهالك"، ليجيب فؤاد المهندس: "بلاش السؤال دة".
