مدحت العدل بعد خلافه مع سعد الصغير: تجاهلهم لأنهم لا يستحقون اهتمامك
مدحت العدل بعد خلافه مع سعد الصغير: تجاهلهم لأنهم لا يستحقون اهتمامك
- مدحت العدل
- سعد الصغير
- مدحت العدل و سعد الصغير
- الشاعر مدحت العدل
- مدحت العدل
- سعد الصغير
- مدحت العدل و سعد الصغير
- الشاعر مدحت العدل
"تجاهلهم فهم لا يستحقون اهتمامك".. كلمات كتبها الشاعر والسيناريست مدحت العدل، عبر حسابه على موقع التغريدات القصيرة "تويتر"، وذلك بعد ساعات من أزمته مع المطرب الشعبي سعد الصغير.
وتفاعل العديد مع تغريدة "العدل"، التي ربطوا بينها وخلافه مع سعد الصغير.
وكان خلافا شديدا وقع بين سعد الصغير ومدحت العدل، بعد مباراة الأهلي والزمالك حيث غرد العدل عقب المباراة بتغريدة اعتبرها سعد الصغير إهانة وتنمر، حيث كتب العدل: "الجمهور اللي منه نجيب محفوظ، وأحمد زويل، ومجدي يعقوب، ومثقفي وفناني مصر، مش هيعرفوا فاوست.. وصاحب أغنية (بحبك يا حمار) سعد الصغير مشجع أحد الأندية العربية هيعرفه.. يا أمة ضحكت من جهلها الأمم".
ليرد بعدها سعد عبر فيسبوك: طيب أنا قولت بحبك يا حمار في مشهد في فيلم المفروض في سيناريست فاهم في الكلام ده عارف يعني إيه لما تقول كدا في مشهد الحمار فك منك كلبش فا بتقولو بحبك يا حمار هل الحمار هنا فاهم ده ولا يتحدث بدون معنى وبعدين اللي أعرفه كل واحد في المجال بتاعه يركز علشان ينجح مش علشان يبقا مثير للجدل فقط وكدا هو من أبناء النادي التي ينتمي إليه".
ثم نشر سعد بعدها بدقائق بفيديو مهاجما العدل قال فيه "أهلاوي وبحب النادي الأهلي لازم أرد على دكتور مدحت العدل حيث قال نادي الزمالك بيشجعه نجيب محفوظ وعمرو دياب وهاني شاكر، أما من يشجع نادي الأهلي فهو سعد الصغير بتاع بحبك يا حمار، اللي بيقول هذا الكلام رجل دكتور سيناريست يكتب لنا الأفلام، حضرتك راجل فاهم، دكتور مدحت بيدرس لنا عايز تغني للحمار أو للأسد تغني جوه فيلم غنتها بره كده تتحبس، إذن أنت تعلم جيدا يا دكتور، أغنية بحبك يا حمار سياق داخل فيلم أما تطلع وتعايرنا بيها، شادية غنت للحمار".
وأضاف سعد الصغير: "دكتور مدحت حضرتك متنمر، أبويا علمني متنمرش على حد الغلبان بتاع الفول ميشجعش بتاع الباكبورت ميشجعش، حضرتك متعرفش تلعب كرة متعرفش تحلل متخبطش في الناس الغلابة، أنت بتعايرني أنت دكتور في إيه من يقول هذا الكلام ليس دكتور، نص فريق الزمالك أحييت أفراحهم وبيحبوني".
وقال العدل خلال مداخلة هاتفية مع الإعلامية قصواء الخلالي، في برنامج "المساء مع قصواء" المذاع عبر فضائية "ten": التنمر إنّي أقول عليك إنك أسمر واتريق على سمرتك وإنّي أقول عليك قصير، هو ده التنمر، لكن التويتة اللي قولتها لم أزايد على سعد الصغير في شيء"، متابعًا "إن كان زعل أنا ممكن أعتذر بشدة، بمنتهى البساطة، والموضوع خلص على كدة"، مستكملًا: "يعني انتوا شايفين عشان قولت كدة أبقى متنمر، وانتوا مش متنمرين".
وقال الفنان سعد الصغير، إنه متأثر نفسياً منذ يومين، بسبب تغريدة مدحت العدل، والتى سخر خلالها من أغنية "بحبك يا حمار".
وأضاف خلال مداخلة هاتفية مع الإعلامي وائل الإبراشي في برنامج "التاسعة" المذاع عبر القناة الأولى بالتلفزيون المصري، : "انت يا دكتور اعتبر اني مش سعد الصغير واني بكنس في الشارع يبقى مش أشجع وعاوزني أشتري عربية واتعلم واخد ليسانس حقوقو وأبقى دكتور عشان أشجع النادي الاهلي ومش الدكتور اللي يقول كده وسيب الكلام ده للبسطاء".
وتابع: "أنا نزلت نص ساعة وجدت البسطاء يسألوننى عن اللى شتمنى فقلت لهم ده دكتور فى كتابة السيناريست ..فقالوا لى هو دكتور فى أى مستشفى وأحنا نروح ليه..طبعاً الناس البسيطة لا تتفهم دكتور فى السيناريست أو طبيب بشرى".
واستطرد "الصغير"، أن مدحت العدل، هو من قال له إذا أردت أن تغنى أغنية "بحبك يا حمار"، لابد أن تكون فى سياق درامى.
وتابع "الصغير": " أبويا علمنى أن لما حد كبير يشتمك متردش عليه ..لأن ضميره هيأنبه لو هو عنده ضمير ..البسطاء قالو لى هو دكتور فى أى مستشفى".
