عمر كمال وحسن شاكوش يهنئان تامر حسني: نجم العالم (فيديو)
عمر كمال وحسن شاكوش يهنئان تامر حسني: نجم العالم (فيديو)
"كل سنة وانت طيب ومن قلبي قريب.. والسنة دي معايا واللي جاي ويايا.. يا أغلى الحبايب يا سكر ودايب يا كل الحبايب"، من كلمات أغنية تامر حسني "كل سنة وانت طيب"، التي اختارها عمر كمال وحسن شاكوش، لتهنئة "تامر" بعيد ميلاده، الذي احتفل به يوم 16 أغسطس الماضي.
ونشر عمر كمال، عبر حسابه على موقع تبادل الصور والفيديوهات "إنستجرام"، فيديو يجمعه وحسن شاكوش، يوجهان خلالها التهنئة للفنان تامر حسني بعيد ميلاده، وتأكيدهما "معلش جت متأخرة بس حبينا نقول لنجم الجيل كل سنة وانت طيب".
وقال عمر كمال: "الفيديو ده للنجم الكبير، نجم مصر والعالم العربي ونجم الجيل، كل سنة وانت طيب ومبدع ومكسر الدنيا ومعانا في حياتنا".
وقال حسن شاكوش: "كل سنة وإنت طيب يا عالمي بنحبك، والسنة الجاية تكون أحسن من اللي قبلها وعقبال مليون سنة يا نجم العالم".
وكتب تامر حسني، عبر حسابه بـ"فيس بوك": "الحقيقة أنا مش بعمل عيد ميلادي خالص بس ربنا رزقني بجمهور زي أهلي بالظبط بيحتفل بيا دايماً، وأصحاب كل سنة يعملولي مفاجأة من غير ما يقولوا بس بقفشهم برضه وبعرف وباضطر أتفاجئ تقديراً لمجهودهم".
وتابع: "المهم أنا بشكر كل شخص فيكم على الكلام الجميل اللي بقالي أسبوع بقراه وباسمعه منكم وبشكر كل أهلي وأصحابي وفريق عملي، وطلبي الوحيد إنكم لما تفتكروني تدعوا لأولادي تالية وأمايا وآدم.. مليون شكراً يا أغلى الناس".
وانتهى تامر حسني من تصوير فيلم "مش أنا" من بطولته مع حلا شيحة وماجد الكدواني وسوسن بدر، ومن إخراج سارة وفيق.
كما انتهى من تسجيل أغاني ألبومه الجديد، تمهيدًا لطرحه خلال الصيف الجاري.
