"عبدالرحمن ومنار" قصة حب تتحدى التنمر
"عبدالرحمن ومنار" قصة حب تتحدى التنمر
استضافت الإعلامية إيمان الحصري، ببرنامج "مساء dmc"، المذاع على شاشة قناة "dmc"، عبدالرحمن محمد ومنار مسعد، لاعبا منتخب مصر لقصار القامة، ليرويان قصة حبهما، التي قاومت وتحدت التنمر.
وقال "محمد"، خلال اتصال عبر "سكايب" بالبرنامج: "الحمد لله ربنا كرمنا، واتكتب كتابنا في شهر 7 اللي فات، كنا نفسنا نعمل فرح كبير، بس ملقتش عشان كورونا، فاضطريت ألجأ لإحدى الفلل من أصحابي عشان حتى أعمل فرح ولو صغير، واقتصر الفرح على أهلي وأهلها، والمقربين من أصدقائي وأصدقائها العدد كان 55 فرد عشان ميبقاش فيه زحمة وطلعنا الغردقة لقضاء شهر العسل".
وتابع: "اتعرفنا على بعض من سنة بالظبط، أنا لاعب في منتخب مصر لقصار القامة، وكان أخويا معايا في المنتخب، وكانت بتيجي مع أخوها تتفرج على التمرين هي ووالدتها، شوفتها مرة واتنين وتلاتة، وفي النهاية ظهرتلي على فيسبوك وحبيت اتكلم معاها من خلاله، عشان نتعرف على بعض أكتر، وقدرت في مرة أجيب والدتي في أحد التمارين، وتقعد مع والدتها عشان يتعرفوا على بعض أكتر، ومن خلالها قرينا الفاتحة شهر 10 اللي فات".
من جانبها قالت منار: "عبدالرحمن شخص كويس جدا، أنا بدأت أعمل الفستان من شهر 3، وكل شوية كانت البروفة بتتأجل بسبب كورونا، كنت ناوية أعيش حياتي عادي خالص ومكنتش حاطة موضوع الجواز في دماغي خالص، اتقدملي قبل عبد الرحمن كذا حد مرضتش وقولت لسة بدري واخلص دراستي ولما شوفت عبد الرحمن غيرت رأيي تماما".
