مشرد يبحث عن إخوته الـ8: بقالي 20 سنة على الرصيف
مشرد يبحث عن إخوته الـ8: بقالي 20 سنة على الرصيف
طوال حياته وحيدا، تركه الجميع مشردا من شارع إلى آخر، يعمل فى جمع القمامة ليحصل على ما يأكل به، ثم يعود فى المساء للرصيف لينام، توفى والداه وهو فى الثامنة من عمره وبعد ذلك تفرق هو وإخوته كل منهم إلى مكان.
أشرف عويس، 27 عاما، منذ صغره وهو يقطن الشارع فى منطقة المنيب بمحافظة الجيزة، كانت أسرته تعيش فى منزل بالإيجار، وبعد وفاة الأبوين لم يعد هناك من يدفع الإيجار، فطردهم صاحب المنزل إلى الشارع: «لما قالوا لى أمى ماتت وأنا فى 2 ابتدائى، خرجت من المدرسة ومن يومها ما روحتش تانى، وبعدها بكام شهر أبويا مات وراها، اشتغلت فى الزبالة عشان أكل عيش، وبعد حوالى 6 شهور أبويا مات وأنا وإخواتى اتفرقنا، كنا 8 أخوات، عمتى أخدت البنات وأنا واتنين أخواتى عشنا فى الشارع وما نعرفش عن بعض حاجة، ودلوقتى بدور عليهم ونفسى أشوفهم».
منذ ثلاث سنوات، تزوج «أشرف» من ابنة خاله، وبعد مرور عام على زواجهما لم تتحمل عيشته الفقيرة: «أخدت شقة بالإيجار واتجوزت فيها، وبعد سنة صحيت ملقتهاش فى البيت، سابتنى عشان مش عارف أوفر لها كل طلباتها»، بعد أنا عاد إلى الشارع أصبح وحيداً مرة أخرى: «بستسهل القعدة فى الشارع، وكده كده أنا فى الشارع على طول عشان بجمع زبالة».
يحكى «أشرف» أنه تدخل بين اثنين متعاركين، فأصيب فى يده وأكد له الأطباء أنه يحتاج جراحة حتى لا تتعرض للبتر: «باستخدم إيدى اليمين فى جمع البلاستيك، لأن الشمال مش قادر أحركها، باخد مسكنات كثيرة عشان أتحمل الألم لكن العلاج مش قادر أجيبه».
