كلها بيوت ربنا.. قبطية تشارك في تعقيم المساجد
كلها بيوت ربنا.. قبطية تشارك في تعقيم المساجد
تأتي الأزمات لتوحد الصفوف وتقوية الروابط والعلاقات الإنسانية، وهذا النموذج استطاعت منى صبحي، سكرتيرة أبونا مينا شحاتة كاهن كنيسة مارمينا بالمندرة، تقديمه، حيث قامت أول أمس، بتعقييم وتطهير مسجد المندرة ببحري، واستقبال المصلين بتوزيع كمامات طبية وتعقييم أيديهم.
دور بارز، ومجهود كبير، تبذله "منى"، بهدف خدمة المصلين والحفاظ على سلامتهم أثناء تواجدهم داخل المسجد، فهي أمين لجنة المواطنة بحزب مصر القومي أمانة الإسكندرية، وتسعى من خلال هذه المبادرة الفردية، أن نقدماً مثالاً للمواطنين لمساعدة وخدمة بعضهم البعض: "المسيحي يساعد المسلم ويوفر له أمانه وراحته في أماكن العبادة وكمان المسلم يعمل كده مع المسيحي ومفيش حاجة اسمها كل واحد يطوع لخدمة دور العبادة الخاصة به، كلنا بنخدم البلد ولازم نحافظ على بعض"، وقامت بتعقيم المسجد بأكمله من داخله وخارجه، كما وضعت بعض المطهرات والمعقمات داخل المسجد، حتى يستخدمها المسؤولين عن نظافة المسجد استمرار: "من أول ما عرفت بقرار رفع الحظر وأول حاجة فكرت فيها أني انزل واشارك واطوع في خدمة المساجد لتعقميها عشان نستقبل المصليين واشوف فرحتهم عن قرب وهما بيصلوا في الجامع من تاني وواقفين في بيت ربنا".
ورغم أن هناك بعض المتطوعين المسلمين الذين كانوا يساعدونها، كلنها كانت تحرص على تنظيف المسجد وتعقيمه بنفسها: "بعد ما خلصت التعقيم واتأكدت من نضافة المسجد فرشت السجاد والمصليات عليها وكان شكلها جميل جداً اتبسطت قوي أني شاركت في دور زي ده"، وعقب انتهاءها من تعقيم هذا المسجد، تقوم "منى"، بالمرور على المساجد الأخرى لتعقيمها أيضاًَ: "شوفت فرحة في عيون الأئمة بتاعت كل مسجد خلتني بقيت متحمسة أن كل وقت فاضي ليا أوفره عشان اخدم في بيوت ربنا واجهزها للمصلين".
