طلاب حلوان عن امتحان الديناميكا: سهل واللي ذاكر من كتاب المدرسة يقفل

01:45 م | الأحد 28 يونيو 2020

أدى طلاب القسم العلمي، اليوم الأحد، امتحان الديناميكا للدور الأول للعام الدراسي 2019 / 2020 ، وسط حالة من الهدوء الذي خيم على اللجان، وخاصة على معظم مدارس منطقة حلوان، ووسط حضور ضعيف لأولياء الأمور في انتظار خروج أبنائهم، فيكسر الطلاب هذا الهدوء بخروجهم من اللجان معلنين انتهاء اليوم الثالث من أيام الامتحانات متبعين الإجراءات الاحترازية التي أقرتها الحكومة ووسط إجراءات أمنية ووقائية مشددة، المؤكدة على ضرورة التباعد الاجتماعي للحد من انتشار فيروس كورونا المستجد (كوفيد-19).

ويقول عبد الرحمن فرحات، الطالب في مدرسة الشهيد كامل محمد الشقيفي، التابعة لإدارة التبين التعليمية بحلوان، "إن مستوى الامتحان لمادة الديناميكا كان غاية في السهولة، باستثناء سؤال واحد كان من خارج المنهج، وهو ما تم إلغاؤه"، مضيفا: "الامتحانات كلها لحد دلوقتي حلوة جدا باستثناء اللي حصل في الإنجليزي والديناميكا النهاردة بعد ما لغوا المسألة الغلط باقي الامتحان كان سهل".

ومن أمام مدرسة خالد بن الوليد الإعدادية بنين، كان يقف الطالب حامد أشرف حامد، وهي المدرسة التي يؤدي فيها امتحاناته، اتفق مع غيره من الطلاب على سهولة الامتحان، مؤكدا أن الامتحان كله كان من كتاب المدرسة وكان سهل جدا"، وصعوبة الامتحانات بالنسبة لـ"حامد" تكمن في الظروف المحيطة بها وليس في الاختبارات نفسها، على حد قوله: الجو حر جدا والكمامة بتضايقنا بشكل كبير، غير إن المراوح في اللجان ضعيفة جدا، وأنا على قد ما أقدر بحاول احمي نفسي وماشي بالكحل".

ويقول مصطفى حسن، الطالب في نفس المدرسة: "اللي ذاكر من كتاب المدرسة يدخل يقفل الامتحان ده، ومكونتش أتوقع عن نفسي إن الامتحان يبقى سهل ومباشر كده، كنت مستني يكون فيه أي لعب زي امتحان الإنجليزي".

رغم سهولة الامتحان، إلا أن "مصطفى" لم يكن متفائلا بما هو قادم من اختبارات: "مش متفائل باللي جاي لأن الظروف اللي حوالينا كلها صعبة بسبب القلق اللي احنا عايشين فيه".