رغم ذروة الإصابة.. مواطنون يتزاحمون على سيارة تبيع الكمامات بجنيه
رغم ذروة الإصابة.. مواطنون يتزاحمون على سيارة تبيع الكمامات بجنيه
في مشهد يناقض فزع وقلق المواطنين من الإصابة بفيروس الكورونا، حيث تزاحم بشدة سكان مركز فارسكور، بمحافظة دمياط، حدّ التلاحم، على إحدى العربات الخاصة ببيع الكمامات الطبية، في إصرار قوي لشراء أكبر عدد من الكمامات، التي تُباع بجنية واحد، وهذا يبدو سبباً حقيقاً لتكدسهم.
التقط وليد طاهر، أحد السكان، تلك الصورة بسبب استياءه الشديد، لحث الآخرين على زيادة الوعي، وإتباع الإجراءات الوقائية الصحية بهذه الفترة، ويرجح هذا الإقبال الشديد، بسبب تفاوت أسعار الكمامات الطبية بالصيدليات، بين 4 و7 جنيهات: "نزلتها على الجروب عندنا بتاع المنطقة وحاولت اصحي الوعي فيهم شوية لأن الوضع مش مستقر وإحنا في مرحلة الذروة والمفروض ناخد حذرنا حتى لو الكمامة دي بتتوزع ببلاش مينفعش يكون في زحمة بس الناس عايزة تشتري وفي نفس الوقت متكونش غالية وللأسف وضع زي ده ممكن يضرنا كلنا".
ولاحظ طاهر، وجود هذه السيارة مرتين خلال الأسبوع الماضي، ونفس الزحام عليها، ما دفعه إلى تصويرها، حتى يتعظ جيرانه ويتخذون حذرهم، ويمتنعون عن هذا السلوك العشوائي: "الله اعلم مين حامل للفيروس وممكن في لقطة زي دي يعدي نص المركز عندنا"، وبالفعل حاول وليد، التواصل مع صاحب السيارة، وحثه على البيع بنظام الطوابير وترك المسافات، لكن دون جدوى: "تاني مرة لما جات العربية كلمته وقالي يا باشا أنا عايز أبيع وبقول الناس خليكم في الصف وهما اتعودوا على كده عشان يلحقوا".
شعرت هبة طلعت، إحدى السكان، بالغضب والاستياء من هذا التكدس: "أنا مش بخرج من بيتي إلا للضرورة بس شوفت المنظر ده وضايقني جداً واشتريت ليا أنا وولادي الكمامات من الصيدلية الواحدة بـ 3 جنيه بس أحسن ما أقف في الزحمة دي وياريت اللي يبيعها رخيصة يكمل جميله وميمعملش الزحمة دي ويتقي ربنا".
