جزار يحارب الغلاء بتخفيض أسعار اللحمة: كله هياكل

09:05 م | السبت 30 مايو 2020

لتقدير الظروف المادية الصعبة التى يمر بها أهالى منطقتى صفط اللبن وكرداسة، التابعتين لمحافظة الجيزة، قرر إسلام مجدى، جزار، إطلاق مبادرة لمكافحة الغلاء، من خلال تخفيض أسعار اللحوم بمختلف أنواعها، لتتراوح بين 70 و110 جنيهات، بهدف تشجيع المواطنين على الشراء وتنشيط حركة المبيعات.

بدأ «إسلام» العمل بهذه المبادرة منذ يومين، رداً على استغلال بعض الجزارين، الذين رفعوا الأسعار، دون اعتبار للأزمة الراهنة التى تمر بها البلاد: «اللحمة دى بلدى 100%، وكل يوم بادبح جديد وبتخلص فى يومها، الكندوز بـ110 جنيه، والمفروم بـ70، والبفتيك بـ100، واللحمة الجملى بـ90»، وتعتبر هذه الأسعار رخيصة مقارنةً بأسعار المحلات الأخرى، ووجدت هذه المبادرة إقبالاً كثيفاً من السكان، ومنها نشطت حركة البيع والشراء مرة أخرى: «ساعدتهم يشتروا وفرَّحتهم، هما استفادوا وأنا كمان استفدت، والحركة رجعت تدب فى المكان من تانى».

ويوفر «إسلام» خدمة توصيل الطلبات إلى المنازل مجاناً: «مش عشان أعمل حاجة كويسة يبقى أجيبهم المحل يشتروا ويحصل زحمة، أنا قلت أوفر عليهم، وكمان أوصل لهم لحد بيوتهم ومن غير فلوس، عشان محدش يشيل هم فلوس الديليفرى»، كما يوفر خدمة تجهيز اللحم وتتبيله للشواء مباشرةً: «باجهز الكفتة بالتوابل بتاعتها، وبرضه بنفس السعر بـ70 جنيه، ولو عايزين لحمة صحيحة متقطعة ومتبّلة للشوى باجهزها، وكله بنفس الأسعار».