رمضان بيقلده وشاكوش مغرور.. حمو بيكا مش بيعجبه العجب: "كله فيستك"

03:19 م | الأربعاء 06 مايو 2020

منذ ظهوره وذياع صيته منذ أكثر من عام وتزامنا مع طرح مهرجان "رب الكون ميزنا بميزة"، أثار الجدل منذ ظهوره على الساحة، وتقديمه أغاني المهرجانات، حتى أصبح حمو بيكا متصدر تريند "يوتيوب" متفوقًا على عمرو دياب وشيرين.

مع كل تصريح أو رسالة يوجهها لأعدائه يصبح حديث مواقع التواصل الاجتماعي، ويغلب على تصريحاته الهجوم فدائما ما ينتقد أو يهاجم زملاءه الفنانين أو المشاهير بوجه عام، آخرها ما فعله أمس عندما هاجم الكثير من نجوم الوسط الفني، وكأن أغنيته "كله فيستك" التي أطلقها منذ 3 أعوام هي منهجه في الحياة.

حسن شاكوش.. اللي بيعمله في نفسه غلط

هاجم حمو بيكا، في لقاء ببرنامج "شيخ الحارة والجريئة" مع المخرجة إيناس الدغيدي، على قناة "القاهرة والناس"، حسن شاكوش، الذي ذاع صيته بعد أغنية "بنت الجيران"، قائلا إن بداية نجاح حسن شاكوش، كانت من خلال المشاركة معه في أغانيه وأنه أنتج له نحو 15 أغنية.

وأضاف بيكا،: "الغرور أكل حسن شاكوش وبقى مش شايف حد وشايف نفسه أنه رقم واحد واللي بيعمله في نفسه غلط، وفي مجالنا محدش رقم واحد".

وتابع: "أنا مش بنفسن وعمري ما أنفسن من شاكوش ولو هينجح 100 سنة أنا فرحان أنه ناجح، عشان حسيت أني عملت حاجة".

ونفى بيكا تعالي "شاكوش" عليه، قائلًا: "يتنطط عليا؟ هو بيتنطط على كل الناس إلا أنا.. أنا خط أحمر بالنسبة له".

محمد رمضان.. بيقلدنا

وتحدث بيكا عن تقليده لـ محمد رمضان، قائلا "أنا مش بقلد حد وأنا عندي عربيتين والعربيات اللي عندي جايبها قسط وقبل الشهرة كان عندي موتوسيكل"، مشيرا إلى أن رمضان هو الذي يقلدهم في الفن الشعبي، قائلًا: "محمد رمضان اللي بيقلدنا وهو ممثل المفروض ملوش علاقة بالغناء".

مجدي شطة.. أنا أكبر من أرد عليه

واعترض حمو بيكا، عن مقارنته بالمطرب الشعبي مجدي شطة، واعتبر نفسه أفضل من "شطة" من ناحية الأداء والغناء، قائلا: "مفيش حد أفضل مني، ومجرد ذكر اسمي شهرة له، وأنا أكبر من أني أرد عليه ولو مجدي شطة صوته حلو يبقى مصر كلها صوتها حلو".

هاني شاكر.. إنت عايز مني إيه؟

وشهدت الساحة الفنية منذ أشهر، خلاف كبير بين بيكا والفنان هاني شاكر، خاصة بعدما استجابت قناة النهار لطلب نقابة الموسيقيين بمنع إذاعة حلقة لحمو بيكا ليلة رأس السنة، بأحد برامج القناة.

وقال حمو بيكا، في مقطع فيديو قام بنشره: "بوجه رسالة لنقابة الموسيقيين، إنتوا عايزين مني إيه، إنتوا دمرتوني، فيه ناس مفيش معاها ورق وشغالة، وناس زيي بتغني مهرجانات وشغالة وبتدوهم تصاريح".

وأضاف: "النقابة لغت لي 15 حفلا في رأس السنة، بالإضافة لحفل في الأردن، متابعا "أموت نفسي يعني عشان تستريحوا، يا أستاذ هاني شاكر هو أنا قاتلك قتيل، إنت عايز مني إيه، عطلتوا شغلي ودمرتوا حياتي".

وتابع: "حضرتك بتقول إني بقدم تلوث سمعي، أنا عملت مهرجانات مش حلوة بس الكلام ده 2012، طيب لو أنا قدمت تلوث سمعي مانتوا غنيتوا السحة الدح إمبو، والطشت قالي، وسمعناهم، وبعدين مش بقول إني مطرب أنا مؤدي".

وفي بدايته كان هناك خلاف شهير بينه وبين مجدي شطة، بدأت عند إعلانه عن إقامته حفلة مجانية لجمهوره والتي يقيمها احتفالًا بتصدره "يوتيوب" يوم 19 نوفمبر قبل الماضي بنادي المعلمين، مخاطبا جمهوره "الحفلة مجانًا وهتعجبكم انتظروني في أكبر حفلة ومعايا كل النجوم اللي بتحبوها، "هدى ناصر، هدى بندق، تيتو الفيلو، أبو ليلة، سوسي نوبي، ومجدي شطة"، مضيفًا "بحبكم وانتوا اللي نجحتوني، وحب الناس مش بفلوس".

ليرد عليه الفنان الشعبي مجدي شطا، نافيا حضوره الحفل "أنا مش رايح الحفلة، أنا عندي شغل في المطرية، ومش رايح حفلات، وحمو بيكا كان بيقول كده علشان يلم الفانز بتاع الناس"..#خلصانة".