أحمد السبكي: سعد الصغير محترم.. وأمينة تغيرت بعد زواجها
أحمد السبكي: سعد الصغير محترم.. وأمينة تغيرت بعد زواجها
قال المنتج أحمد السبكي، إنه لم ينقلب على سعد الصغير كما يردد البعض بعد الاستعانة بالفنان الشعبي محمود الليثي في أفلامه، كما أنه أيضًا لم ينقلب على المطربة الشعبية أمينة باستعانته ببوسي.
وأضاف خلال حواره في برنامج "شيخ الحارة والجريئة"، الذي يُعرض على شاشة "القاهرة والناس"، مع المخرجة إيناس الدغيدي: "سعد الصغير شخصية محترمة وعمري ما أقلب عليه، وأمينة خلاص اتجوزت بقى، واختلفت كتير، الشغل بتاعهم خلص خلاص، وانتهى من زمان".
وردًا على سؤال " مين النجم اللي اتنطط على أحمد السبكي عشان قرشين زيادة"، أضاف "السبكي"، أن الفنان محمد سعد بعد نجاح فيلم اللمبي أصبح نجما كبيرا، "لما النجم بيكبر سكاكينه بتكتر وكل المنتجين بيجروا وراه"، موضحًا أنه رغم اتجاهه لشركة انتاج أخرى لإنتاج فيلمه "اللي بالك بالك"، قام محمد سعد بإدخاله كشريك في انتاج الفيلم.
وأوضح أنه لم يخطف محمد رمضان في فيلم "الديزل" من شركة انتاج أخرى، فرمضان اتجه إلى إحدى شركات الانتاج لإنتاج الفيلم، وتعاقد معها على ذلك، وفي النهاية أتى لي وطلب مني انتاج الفيلم: "محمد رمضان عمل كده عشان بيحبني، الممثل اللي عاوز يشتغل معاك ينور بس مش هغصب حد يشتغل معانا".
