جمال بخيت: متعاطف مع مطربي المهرجانات.. "كويس إنهم ممسكوش سنجة"

تحدث الشاعر جمال بخيت، عن سبب تعاطفه مع مطربي المهرجانات الشعبية، بالرغم من الجدل الذي أثاروه في السنوات الأخيرة.

وقال "بخيت" خلال استضافته ببرنامج "رأي عام"، والذي يقدمه الإعلامي عمرو عبدالحميد، الذي يعرض على شاشة "TEN": "إحنا عايشين عشوائية غنائية بسبب المهرجانات، لكن أنا متعاطف مع المغنيين دول إنسانيًا مش متعاطف مع اللي بيقدموه".

وأضاف: "هم من أحياء عشوائية، مفيهاش تعليم أو ثقافة أو وجدان سليم ولا منظر سليم، أكيد كلنا أبناء مجتمع واحد وشفنا الأحياء العشوائية، فلما الشخص ده يمسك سنجة أو يدمن أو يتاجر في المخدرات فده طبيعي، لأننا مقدمناش لهم أي حاجة تانية، لكن إنه يسيب ده كله ودماغه تروح إنه يروح يغني ويعمل إيقاعات على الكمبيوتر ويعملوا نغم جديد وأي كلام، ده لو طلع من بيئة أنقى كان هيبقى فنان برضه بس في الأوبرا".

وتابع: "نحمد ربنا إن ده ممسكش سنجة ولا مطلعش هجام ولا مجرم، أنا متعاطف معاهم إنسانيًا مش الجانب الفني".

• جمال بخيت
• الإعلامي عمرو عبدالحميد
• برنامج رأي عام
• المهرجانات الشعبية
• جمال بخيت
• الإعلامي عمرو عبدالحميد
• برنامج رأي عام
• المهرجانات الشعبية