نجل الشهيد منسي: أصحابي بيسألوني عن أحداث "الاختيار" ومبحرقهاش
نجل الشهيد منسي: أصحابي بيسألوني عن أحداث "الاختيار" ومبحرقهاش
قال حمزة منسي، نجل الشهيد أحمد صابر منسي، إنه يشعر بالسعادة عندما يرى والده على شاشة التليفزيون، أثناء مشاهدة مسلسل "الاختيار"، خاصة أنه يشعر أن المصريين لا يزالوا يذكرونه.
وأضاف، خلال فقرة صُورت داخل منزل الشهيد منسي ببرنامج "مساء dmc"، الذي تقدمه الإعلامية إيمان الحصري على شاشة "إكسترا نيوز"، خلال شهر رمضان: "صحابي كلهم بيتابعوا مسلسل الاختيار، وكانوا عايزين يعرفوا إيه اللي هيحصل في آخر حلقة، وأنا أصلا معرفش وقلتلهم هيحصل زي الحقيقة، وسألوني إيه اللي حصل في الحقيقة، حكتلهم اللي حصل في الحقيقة ومش فاكر اللي حصل بالظبط، وفيه حاجات محكتهاش بالتفصيل لأني مرضتش أحرق الأحداث، وحكيت إن ماما هتطلع تتكرم وخلاص".
وتابع: "مش فاكر مشاهد كتير حصلت بيني وبين بابا، لكن فاكر إنه أما كان بيسافر سيناء كان بيقولي أنت راجل وخلي بالك من تيتا وأخواتك وماما وولاد عمك ويحددهم بالاسم".
واستطرد: "كنت بسأله كتير في معلومات عامة، وسألته مرة ليه السمكة ليها شوك وملهاش عظم، وسألته فيه كام ظابط وطيارة ودبابة، ومن وأنا عندي 5 سنوات كنت عايزم أبقى ظابط في الجيش، ودلوقتي عايز أبقى ظابط صاعقة عشان أبقى زي بابا، ومش خايف ولا قلقان".
ووجه نجل الشهيد رسالة لوالده: "عايز أقوله وحشتني قوي، أنا بحس إني فرحان إني شايف بابا على التليفزيون، وإن الناس لسه فكراه، ومصر المفروض كلها تفخر لكني أنا فرحان لأن الناس لسه فكراه وأنا مش ناسيه".
