عبدالباسط حمودة: محمد رمضان مش مطرب.. "مؤدي فقط"
عبدالباسط حمودة: محمد رمضان مش مطرب.. "مؤدي فقط"
قال الفنان الشعبي عبدالباسط حمودة، إنه لا يرى الفنان محمد رمضان مُطربًا كونه لا يُغني، لكنه مؤدي فقط، "هو ممكن يعمل مهرجان بس مش مطرب، وبأكد تاني إن محمد رمضان مش مطرب، بس بيقول حاجات فيها قيمة وقامة، ومش بيقول حاجات فيها ألفاظ خارجة، وهي دي الحلاوة اللي فيه".
وأضاف "حمودة"، خلال حواره في برنامج "شيخ الحارة والجريئة"، الذي تقدمه المخرجة إيناس الدغيدي، على شاشة "القاهرة والناس"، أنه عندما يغني أي أغنية تُكسر الدنيا، "عملت أغنية يا صيف يا صيف دي كسرت مصر، وجملة ولا ده ولا ده ولاده ، كسرت برضوا مصر".
وأوضح أنه لا يُغني خلف الراقصات كما يردد البعض، "رقاصات إيه اللي أغني وراهم، صلي على النبي، الراقصات دول بيبقوا موجودين في الفرح، وأنا بكون رايح نمرة، بروح ألاقيهم على المسرح"، كما أنه لا يملك حق رفض وجود الراقصات على المسرح أثناء أدائه نمرته، "ممكن صاحب الفرح يقولي فيه إيه يعني، أنا جايبك بفلوسي".
