انتقادات لمسلسل "2 في الصندوق" لسخريته من عمال النظافة
انتقادات لمسلسل "2 في الصندوق" لسخريته من عمال النظافة
رغم عرض ثلاث حلقات فقط من مسلسل «2 فى صندوق»، إلا أنه قوبل بانتقاد لسخريته من العاملين فى جمع القمامة، واستخدام عبارات مثل «أنت زبال»، وكأن عمل جامع القمامة سُبة. بعد متابعته لبرومو المسلسل اعتقد ماهر عياد، جامع قمامة، أن المسلسل سينصف العاملين فى مهنته، لكنه حسب قوله، اعتمد على نفس الصورة النمطية التى يظهر بها عامل القمامة فى أى عمل فنى: «الناس بتبص لنا على إننا من مجتمع مختلف عنهم، وإن كل الزبالين اللى فى الشارع شحاتين، لا بالعكس، فيه ناس من العاملين فى المهنة دى عندهم مصنع و2 وبيحققوا ثروات كبيرة». على موقع «فيس بوك» كتب البعض تعليقات تدين النظرة السلبية التى يصدرها المسلسل، منهم محمد السيد الذى أبدى اعتراضه على التناول الدرامى: «المسلسل كوميدى وحلو لكن ماحبتش الصورة اللى مصدرها عن الزبالين، المفروض كان اشتغل على العكس وهو تغيير النظرة السلبية تجاههم».
من جانبه دافع لؤى السيد، مؤلف العمل، مؤكداً أنه لم يقصد الإساءة بل تغيير الصورة النمطية: «علشان أرسم حياة فئة فى المجتمع لازم أعرض كل جوانب حياتهم، وأقول إيه المشكلات اللى بيتعرضوا ليها، ومجتمع الزبالين بيعانى من الإيذاء النفسى والنظرة المسيئة من جانب بعض الناس، بما فيها الألفاظ اللى بتتقال لهم، والإهانات اللى بيتعرضوا ليها، وعشان أغير نظرة الناس لازم أعرض كل ده»، مشيراً إلى أنه تلقى ردود فعل إيجابية على المسلسل: «مش قصدى أجرحهم، ولا أسخر منهم، بالعكس أنا حابب أسلط الضوء على حاجة غلط بنعملها فى حقهم».
