إيزيس وأوزوريس
إيزيس وأوزوريس
ما بين إيزيس وأوزوريس
وقسم بوليس ف ميدان رمسيس
آلاف أعوام
من التدليس
من التفليس
لشعب كريم لكنه حبيس
ما بين تجهيل وبين تنكيل
وبين تيئيس وبين تبليس
يمر العام
وراه أعوام
ديابه تزيد
خساس ولُئام
واحد يشرب ف دم الشعب
واحد تاني يعيش م النهب
ويقضي حياته ف التكييس
واحد يفرض إتاوه ف مال
واحد يستعبد الاطفال
وكله بيحيا ف التهييس
ما بين حكام من الأشرار
بيتحاموا ف جند إبليس
وبين أنعام من الأنفار
بيرضوا يكونوا م المحابيس
