هاني الناظر: خذوا التعليمات من أطباء ثقات.. "ومعرفش إيه هو الشلولو"
هاني الناظر: خذوا التعليمات من أطباء ثقات.. "ومعرفش إيه هو الشلولو"
قال الدكتور هاني الناظر، رئيس المركز القومي للبحوث الأسبق، إنه لابد على كل شخص في هذه الظروف، التأكد ممن يتحدث عن الطب، أو يصدر منه أي تعليمات طبية.
وأضاف خلال مداخلة هاتفية ببرنامج "كل يوم"، الذي يقدمه الإعلامي خالد أبو بكر على شاشة "on e"، "مينفعش نصدق غير دكتور متأكد إنه طبيب بشري متخرج في كلية الطب، لأن أي حد ممكن يطلع ويقول إنه دكتور، ومن غير ما يكون معايا بكالوريوس طب، ولازم يكون معروف، هو بيشتغل فين وبيشتغل في مكان مرموق ومعروف".
وعما أثير بأحد البرامج التلفزيونية، حول "الشلولو"، وهو وجبة تؤكل في صعيد مصر، وقدرته على مواجهة كورونا قال الناظر: "أنا مش عارف إيه هو الشلولو الحقيقة، أول مرة اسمع عن الشلولو دا".
وأوضح: "في كلية الطب معندناش تخصص اسمه الأعشاب الطبية، ولا يوجد دكتور حاصل على ماجستير في الأعشاب الطبية، ولا قسم اسمه قسم الأعشاب، وأي حد يقول أنا دكتور أعشاب طبية على طول متدورش عليه ومتسمعوش".
