والدة الشهيد عمر شعبان تحكي كواليس لقائها الرئيس السيسي

كشفت أمينة فتحي، والدة الشهيد عمر شعبان، كواليس لقائها بالرئيس عبدالفتاح السيسي خلال احتفالية المرأة المصرية.

وقالت خلال استضافتها ببرنامج "الحياة اليوم" الذي تقدمه الإعلامية لبنى عسل على شاشة "الحياة": "اتصلوا بيا وقالوا عايزينك في زيارة ومكنتش أعرف إني هقابل الرئيس".

وأضافت: "دخلنا القاعة وقعدنا وفجأة سكرتيرة الرئيس قالت الرئيس وصل وفوجئت بيه بيعدي من جنبي".

وتابعت: "كنت دايما بقول لعمر ابني، إن شاء الله هتبقى الحارس الشخصي تحت إيد الرئيس فكان يضحك ويقولي ليه متبقيش الأم المثالية وأم البطل أو أم الشهيد".

واستطردت باكية: "كان بيتمنى الشهادة، كل وقت وكل لحظة وكنت حاسة إنها جاية وكنت دايما أقول لأبوه أنا عايزه أخطبله وأجوزه، وكان أبوه يقولي استني بس نجهز، وقلتله مش ضامنة عمري ونفسي أفرح بيك زي أخوك، وقلتله طلعلي اللي في قلبك أنا أمك وأختك وصديقتك، قالي مين اللي هتتحملني في شغلي قلتله ملكش دعوة فيه وأنا هكون معاكم، وخطبناله بنت عمه وكنت فرحانة عشان أنا اللي مربياها".

وتابعت: "يوم قراءة فاتحته كان عيد الأم وهداني الحلق، وكانت حنيته متتوصفش، وكان دايما يقول ادعولي بالشهادة وكنت أقوله أتجوز الأول عشان تخلف وتسمي أحمد على اسم أخوك، لأنه كان أخوه قريب منه وبيعتبره أبوه وكانوا ليهم أحلام مشتركة وبيتمنوا يبنوا بيت سوا".

• السيسي
• أم الشهيد
• عبدالفتاح السيسي
• احتفالية المرأة المصري
• السيسي
• أم الشهيد
• عبدالفتاح السيسي
• احتفالية المرأة المصري