فيديو.. إسعاد يونس: قبل ما تنزل من البيت افتكر إنك ممكن تجيب الوباء
فيديو.. إسعاد يونس: قبل ما تنزل من البيت افتكر إنك ممكن تجيب الوباء
نشرت الفنانة إسعاد يونس فيديو عبر حسابها الشخصي موقع تبادل الصور والفيديوهات "إنستجرام" معلقة على فيروس كورونا المنتشر وعدم التزام المواطنين بالبقاء في منازلهم.
https://www.instagram.com/tv/B-AN5XZBHb2/?igshid=duwtk2vo9q8p
وكتبت "يونس": قبل ما تنزل من البيت افتكر أن نزولك ممكن يجيب الوباء لأهل بيتك ولكل اللي حواليك.
وتابعت: "علشان أنت واللي حواليك غاليين علينا خليك قد المسؤولية.. خليك في البيت".
وتضمن الفيديو: "يعني بعد كل التحذيرات العالمية اللي إحنا بنشوفها والفزع اللي في العالم كله وتوجيهات الدولة لينا بأننا نقعد في البيت أنت نازل بردوا نازل ليه تقعد مع صحابك على القهوة تاخدلك نفسين شيشة تقول ألشة كده ونكتة كده".
وأضافت: "أستسمحك وأنت نازل وأيدك على أكرة باب البيت بص وراك كده وشوف أهل بيتك مراتك وولادك ووالدك ووالدتك وقولهم أنا نازل أجيب لكم الوباء حاكم الدنيا كلها فيها وباء والله أعلم مش لازم أنزل ممكن وأنا بلمس أكرة الباب من برة ممكن أجيب الوباء في أيدي وأنا داخل تاني".
واستكملت: "لو أبوك مش غالي عليك هو غالي علينا ولو والدتك مش غالية عليك هيا غالية علينا وأنت نفسك غالي علينا.. كلنا غاليين على بعض وعاوزين نحمي بعض بدل ما ترجع بالوباء وبدل ما تنزل على أكل عيشك تنزل تجيب الوباء وترجع وتنشره في العيلة وعيلة العائلة والجيران والحي والبلد كلها تغرق استسمحك فكر تاني.. أنت غالي علينا وأنت وضميرك بقي".
